پی ٹی آئی ءِ گچین کاری اصلاحات نا بل آن مُر تخنگ انگ ءِ، شاہ محمودقریشی
Get real time updates directly on you device, subscribe now.
اسلام آباد : پاکستان تحریک انصاف نا راہشون شاہ محمود قریشی پارینے کہ تحریک انصاف ءِ گچین کاری اصلاحات نا بل آن مُر تخنگ انگ ءِ، مولانا فضل الرحمان پیپلز پارٹی نا برخلاف سیوت مچ کننگ کن کوشست کننگ اٹی ءِ‘ دہشتگردی تور عدالت نا پیشن آ میڈیا تون ہیت وگپ کرسا شاہ محمود قریشی پارے کہ تدوک آسمات آ جج پراسیکیوشن آن شاہدی تے اتنگ نا پارے‘ گچین کاری اصلاحات نا بل آ اینو پگہ ہیت مننگ اٹی ءِ ہراڑا ننا گڑتیک اریر‘ حکومت نا سیوتی جماعت آتا ہم گچین کاری اصلاحات بل آ گڑتیک اریر‘ رضا ربانی ہم گچین کاری اصلاحات بل آ گڑتی درشان کرینے‘ او پارے کہ تحریک انصاف ءِ گچین کاری اصلاحات نا بل آن مُر تخنگ انگ ءِ‘ اوپارے کہ نگران حکومت آن گچین مروک حکومت نا کاریم ہلنگا تو بے ایمانی مریک‘ ن لیگ آن نگران وزیراعظم ناپن تیا ننا گڑتیک بسر‘ مولانا فضل الرحمان کراچی ٹی سیاسی جماعت آتتون اوڑدہی کرے‘ مولانا فضل الرحمان پیپلز پارٹی نا برخلاف سیوت مچ کننگ اٹی ءِ‘ خواجہ آصف نا ہیت آک غیر پارلیمانی ئسر۔
(آن لائن)