تفتان بازار آن مسافر بس آتے بینگ ءُ ہند اسے آ گدریفنگ نا مذمت ءِ کینہ‘حاجی بشیراحمدبادینی

تفتان (آن لائن) تفتان کوئٹہ روٹ آ چلینگوک پبلک ٹرانسپورٹ کمپنی ولی کوچ انا مالک حاجی بشیراحمد بادینی، حاجی طاہر محمدحسنی، میر تاج محمد مینگل، مہران خان پرکانی، عبدالسلام بادینی، خلیل احمد فوجی و فیض محمد رئیسانی اسک پارینو کہ تفتان بازار آن مسافر بس آتے بینگ ءُ ہند اسے آ گدریفنگ نا مذمت ءِ کینہ۔ او پاریر کہ 1988 ٹی مسکوہی پولیٹیکل ایجنٹ چاغی احمد بخش لہڑی نا دورا ٹ نن کن اڈہ نا ہند پن و الاٹ ہم کننگاسس ننے ہمو اڈہ ءِ تننگے۔ او پاریر کہ اسہ ہندن ءُ بینگ ءُ ہند اسے آ بس اڈہ جوڑ کننگ آن ہندی بندغ و پوریاگر تے تکلیف مریک‘ نن دا فیصلہ نا ہچ گہس موکل تفنہ۔ او پاریر کہ تفتان بازار داخس بھلن ہم اف کہ بس آتے بازار اٹ سلفنگ آن مشکل مرے‘ بیرہ اسہ تپّہ اس تینا جندی فائدہ غاتیکن بندغ آتے فریشان کننگ خواہک ہرادے نن اسُل امنا کپنہ۔