مچ آ دنیا ٹی کوروناوائرس آن زہمی بندغ آتا کچ 95 لکھ 27 ہزار آن ودا

واشنگٹن (اے پی پی) مچ آ دنیا ٹی کوروناوائرس آن زہمی بندغ آتا کچ 95 لکھ 27 ہزار آن زیات مسنے۔ چندی ملک آتے ٹی دا ہلوک آ وائرس آن داوخت اسکان 4 لکھ 84 ہزار آن زیات بندغ زوال کرینو۔ پنچ شنبے نادے آ امریکی میڈیا نا رداٹ امریکہ ٹی کوروناغان زہمی بندغ آتا کچ 24,62,554اسکان سرمسنے، ملک اٹی کورونانا ایکٹو ناجوڑ آتا کچ 12,97,668 ءِ وخت اس کہ دا وائرس آن داوخت اسکان 1,24,281 زوال کرینو۔ امریکہ دنیا ٹی غٹ آن زیات 24 لکھ 62 ہزار زہمی تتون کل آن مونی ءِ , امریکہ غان پد برازیل زہمی ملک آتا لڑ اٹی ارٹ میکو وخت اس کہ روس مسٹمیکو نمبر آٹے۔ ہراڑے بالترتیب 11 لکھ 92 ہزار و 6 لکھ 7 ہزار زہمی ساڑی ءُ۔ کوروناغان غٹ آن زیات زہمی ملک امریکہ ٹی زہمی تا کچ 24,62,554 ءِ ۔ برازیل زہمی و زوال کروک آتا کچ انا رد اٹ ارٹ میکو بھلا ملک ءِ ۔ حساب وکتاب نا رداٹ دنیا نا چندی ملک آتے ٹی داوخت اسکان کوروناوائرس آن 9,527,765بندغ زہمی و 484,972زوال کرینو وخت اس کہ فعال ناجوڑ آتا کچ 3,67,378 ءِ برازیل اٹی زہمی تا کچ 1192474ءِ ۔ کمامدارآتارداٹ برازیل اٹی کوروناوائرس آن داوخت اسکان 53,874 بندغ زوال کرینو۔ برازیل اٹی کوروناوائرس نا فعال ناجوڑ آتا کچ 488692ءِ ۔ مچ آ دنیا ٹی کوروناوائرس نا زہمی تا کچ انا اعتبار اٹ امریکہ غان پد برازیل ارٹ میکو نمبر آٹے۔ امریکہ ٹی وائرس آن داوخت اسکان 1,24,281 بندغ زوال کرینو وخت اس کہ وائرس نا ایکٹو ناجوڑ آتا کچ 12,97,668 ءِ ۔ داڑے روس اٹی ہلوک آ کوروناوائرس آن زوال کروک آتا کچ 8,513مسنے وخت اس کہ مچ آ ملک انا چندی علاقہ غاتے ٹی ناجوڑ آتا کچ 6,06,881ءِ ۔ بھارت اٹی زہمی تا جم کچ 4 لکھ 73 ہزار آن گدرینگانے وخت اس کہ ملک اٹی 14,907 زوال مسنے۔ اٹلی ہم کوروناوائرس آن زیات زہمی ملک آتے ٹی اوار ءِ ہراڑے داوخت اسکان 34,644 زوال مسنے۔