شہید عنایت جان ریکی ناخونی تے دزگیر کننگے‘ماشکیل نا الس ناخواست
Get real time updates directly on you device, subscribe now.
ماشکیل (آن لائن) پاک ایران سیم جودر نا ہند آ ماشکیل نا رہینگوک شہید عنایت جان ریکی نا شہادت نا برخلاف ماشکیل نا الس برانزی ریلی اڈ تس‘ ریلی بازار نا چندی کسر تیان مرسا مین بازار چوک آ سر ہراڑے ترانکار آک تران کرسا پاریر کہ نن تدوک آ دے انا واقعہ نا مذمت ءِ کینہ‘ ماشکیل کون آ پسماندہ علاقہ ٹی دزی‘ داڑیلی وایلو ڈوہک انتظامیہ نا کارکڑد آ سوجی ٹک ءُ‘ ترانکار آک پاریر کہ انتظامیہ بھتہ خوری و رشوت ہلنگ اٹ اختہ ءِ اودے علاقہ نا غریب بندغ آتا جان ومال انا رکھ اتون ہچ کاریم اف‘ ترانکار آک صوبائی حکومت‘ ہندی انتظامیہ و ایلو تعلقدار ادارہ غاتیان خواست کرسا پاریر کہ ہوش کننگے و علاقہ نا امن وایمنی و الس نا جان ومال انا رکھ اکن دمدستی گام گیج کننگے وشہید عنایت اللہ ریکی نا خونی تے دزگیر کرسا اوفتے سزا تننگے۔