ایڈیشنل سیکرٹری فرخ عتیق نا باوہ بزرگوار کورونا غان کزیت کرے

کوئٹہ (آن لائن) بلوچستان اٹ ہندی کہول آ کورونا وائرس نا تالان مننگ اٹ ترندی مس‘ ایڈیشنل سیکرٹری فرخ عتیق نا باوہ بزرگوار کورونا غان زہمی مرسا کزیت کرے۔ اسسٹنٹ کمشنر دشت ہم کورونا وائرس آن زہمی مس‘ محکمہ جانجوڑی نا کمامدار آتا رد اٹ بلوچستان اٹ کورونا وائرس نا ہندی کہول آ تالان مننگ ترند مسنے۔ اسسٹنٹ کمشنر دشت ہم کورونا وائرس آن زہمی مس‘ صوبہ نا 31 ڈاکٹر،3 نرس کورونا غان زہمی مسنو‘ ہسپتال آتا 21ملازم ہم کورونا غان زہمی مسنو۔ ایف بی آر، اے این ایف، محکمہ جانجوڑی، ڈپٹی کمشنر آفس ناملازم آتا بھلو کچ اس کورونا غان زہمی مسنے۔ محکمہ جانجوڑی نا رد اٹ ایڈیشنل سیکرٹری فرخ عتیق نا باوہ بزرگوار کورونا غان زہمی مرسا کزیت کرینے۔ 70 سالہ انا ناجوڑ اٹ 18 اپریل آ کورونا وائرس پک مسوسس‘ محکمہ جانجوڑی آن ریٹائر مروک حیدر عتیق کورونا غان زہمی مرسا اُراٹی آئسولیٹ ئس۔