بلوچستان اٹ کورونا وائرس نا سوب آن لاک ڈاﺅن 34میکو دے
Get real time updates directly on you device, subscribe now.
کوئٹہ(آن لائن) بلوچستان اٹ کورونا وائرس نا سوب آن لاک ڈاﺅن 34میکو دے ہم برجاسلیس‘ ہرانا سوب آن چندی مارکیٹ‘ شاپنگ مال، واپاری ہندجاٹ آتون اوار ایلو ہندآک بند ئسر‘ جہانی دَین کووڈ 19 (کورونا وائرس) ناسوب آن صوبائی دارالحکومت کوئٹہ تون اوار مچ آ بلوچستان اٹ لاک ڈاﺅن ءِ 34دے مس ہرا سوب آن مارکیٹ، شاپنگ مال، واپاری ہندجاٹ ،پکنک پوائنٹ، ہیلکاری ہند‘ بیوٹی پارلر‘ لگژری گڑاتا اسٹور آک بند ئسر‘ داکان بیدس لاک ڈاﺅن اٹ گرج انا گڑاتا دکان پٹرول پمپ، میڈیکل اسٹورز، جنرل اسٹور‘ سوزی میوہ نا دکان و تندور تتون کنوئی آ گڑاتا دکانک ملوک ءُ‘کوئٹہ شار اٹ موٹرسائیکل نا ڈبل سواری ،گاڈی ٹی 2یا3بندغ آن زیات انا سواری آ رکھ ءِ‘ محکمہ داخلہ ناکنڈآن بین الاضلاعی و بین الصوبائی ٹرانسپورٹ آ رکھ برجاءِ وخت اس کہ خولم نا بین الصوبائی اضلاع ترسیل آ ہم رکھ برجاءِ۔