صوبائی دارلحکومت کوئٹہ ٹی اولیکو وارزالبول بازار اس جوڑ کننگ نا ڈٹ

اسلام آباد (اے پی پی) بلوچستان حکومت صوبہ ٹی زالبول آتا حق انا رکھ و راجی رکھ آن بیدس زالبول آتے واکدار جوڑ کننگ کن اسہ جامع پروگرام اس بناکرینے۔ بلوچستان حکومت نا سرکاری حوالی بلوچستان حکومت نا اِراسال انا کارکڑد انا پارے کہ صوبائی حکومت زالبول آتیکن کاروبار نا وارخواہی ودی کننگ و اوفتیکن اسہ پلیٹ فارم اسے نا وڑاٹ کوئٹہ ٹی اولیکو وار زالبول بازار اس جوڑ کننگ نا ڈٹ اس کرینے۔ عہدیدار پارے کہ بلوچستان حکومت تدوک آ سال انا بجٹ اٹ چندی ڈٹ آتا جوڑ کننگ کن زالبول آتے واکدار کننگ و صوبہ نا شونداری کن تینا کڑد ءِ ادا کننگ نا قابل زالبول آتے آسراتی فراوان کننگ کن 1.872 ارب روپئی جتا کریسس۔ اومستی پارے کہ دا پروگرام نا رداٹ صوبہ نا ہر ڈویڑنل ہیڈکوارٹر اٹی ہاسٹل جوڑ کننگ کن 600 ملین روپئی تخنگانے تانکہ ملازمت پیشہ زالبول ءِ رکھ ہنکین فراوان کننگ مرے۔