ایم پی اے مولانا ہدایت الرحمن دیر فراوانی ڈٹ انا بناءِ کرے

گوادر، صوبائی اسمبلی نا باسک مولانا ہدایت الرحمن بلوچ شادی کور تا گوادر مین واٹر ٹرانسمیشن لائن نا کِسر اٹی ساڑی چندی خلق آتے دیر انا فراوانی نا پوسکن آ ڈٹ انا باقاعدہ بناءِ کرے۔ دا ڈٹ انا رِد اٹ شتنگی, کنڈا سول، چکولی تون اوار ایلو کیبی خلق آتے شادی کور ٹرانسمیشن لائن آن دیر انا فراوانی بنا کننگانے، ہراڑان دا علاقہ غاتا باتی تا کنوئی آ دیر انا متکن و بھلا ویل ایسر مسنے۔ بنا نا وخت آ چیف انجینئر جی ڈی اے انجینئر حاجی سید محمد، پروجیکٹ ڈائریکٹر واٹر میرجان بلوچ، اسسٹنٹ انجینئر کمبر کلمتی، انجینئر کامران و پی اے ٹو ایم پی اے وسیم صمد نا تون اوار علاقہ نا متبر و جتا جتا خلق آتیان تعلقدار الس نا بھلو کچ اس ساڑی ئس۔