محکمہ تعلیم گوادر و یونیسیف نااواری اٹ اے ایل پی سینٹر جوڑ
Get real time updates directly on you device, subscribe now.
گوادر، صوبائی حکومت نا تعلیم دوست پالیسی نا رِد اٹ محکمہ تعلیم گوادر و یونیسیف نا اواری اٹ گوادر نا علاقہ ساہیجی فقیر محمد بازار اٹی اسکل ڈویلپمنٹ و مڈل لیول ایکسیلریٹڈ لرننگ پروگرام (ALP) سینٹر جوڑ کننگانے، ہراڑے چناتے مڈل لیول تعلیم تون اوار عملی و فنی ہیلکاری ہم فراوان کننگ انگ ءِ۔ دا سینٹر اٹی دا وخت آ 35 چنا خواننگ ءُ، ہرا تعلیمی سرجز آتتون اوار جتا جتا عملی، طبی و فنی ہیلکاری دوئی کننگ اٹی ءُ۔ چناتے جانجوڑی نا بابت عملی ہیلکاری ہم تننگا‘ ہرانا پوروی آ اوفتے سرٹیفکیٹ جاری کننگا۔ دا گام کیبی و کم آسراتی والا علاقہ غاتا چناتے اوفتا درگہ غا تعلیم وہنر نا وارخواہی فراوان کننگ و اوفتے آخبت اٹ تینے آ سیبو کروک جوڑ کننگ نا کنڈ آ اہم ءُ پیشرفت اسے۔ یونیسیف نا ضلعی ایجوکیشن سپورٹ پروگرام مینیجر عادل نوتیزئی نا رِد اٹ پروگرام نا مسخت چناتے تعلیم تون اوار عملی ہیلکاری فراوان کننگ ءِ‘ ہرا اوفتا روشنا و شرفدار آخبت نا بنداو جوڑ مریک۔