بے چیٹی تالان کروک آتتون سختی کننگک، آرمی چیف

راولپنڈی (مانیٹرنگ ڈیسک) پاک فوج نا کماش جنرل قمر جاوید باجوہ پارینے کہ آپریشن ردالفساد اٹ دوئی مروک آ سرسہبی تا برخلاف عزائم تا برخلاف الرٹ سلوئی مریک۔ پاک فوج نا شعبہ تعلقات عامہ (آئی ایس پی آر) نا رداٹ آرمی چیف جنرل قمر جاوید باجوہ قطبی وزیرستان نا سیمی علاقہ نا دورہ ءِ کرے، آرمی چیف پاک اوغان بارڈر آ فینسنگ نا جاچ ءِ ہلک او پاک اوغان سیم آ داوا توئی سیکٹر اٹ ڈیوٹی کروک آ ورنا تتون اوڑدہی کرے۔ آرمی چیف میران شاہ نا ہم دورہ ءِ کرے۔ آئی ایس پی آر نا رداٹ کماش پاک فوج ءِ پاک اوغان سیم آ آپریشن نا بابت اٹ بریفنگ ترسا پاننگا کہ پاک اوغان بارڈر آ آپریشن اٹی 90 بارودی سرنگ آتے بھس کننگا، بارڈر آ مروک آ کارروائی تیان دہشت گرد آتا ٹھکانہ غاتے ایسر کننگانے۔ آرمی چیف بارڈر آ تعینات ورنا تا حوصلہ او جرت نا ستا ءِ کرے۔ قبائلی اُلس نا دہشت گردی نا برخلاف جنگ اٹ کمک نا ہم ستا ءِ کرسا آرمی چیف جنرل قمر جاوید باجوہ پارینے کہ قبائلی اُلس  انسداد دہشت گردی کن بھاز قربانی تسنے، ڈیہہ اٹ بھلو کچ اسسکان امن ایمنی بسنے، نن امن ایمنی نا خواہندار اُن۔ پاک فوج نا کماش پارینے کہ پاکستان بارڈر نا سیکیورٹی ءِ جوان کننگ کن جوان کڑد ادا کننگ انگ ءِ۔ آپریشن ردالفساد اٹ دوئی مروک آ سرسہبی تا برخلاف عزائم نا برخلاف الرٹ سلوئی تمک۔ بے چیٹی تالان کروک آتتون سختی کننگک۔