میر حاصل بزنجو نا کزیت آن خورک مروک نشست آ ضمنی گچین کاری نا تاریخ نا پڑو
Get real time updates directly on you device, subscribe now.
کوئٹہ(آن لائن)الیکشن کمیشن آف پاکستان سینیٹ اٹ میر حاصل بزنجو نا کزیت آ خالی انگا سیٹ آ ضمنی گچین کاری، جانچ پڑتال او کاغذات نامزدگی نا تاریخ تا پڑو ءِ کرے۔ الیکشن کمیشن کمامدار آتا رداٹ الیکشن کمیشن آف پاکستان سینیٹر میر حاصل بزنجو نا کزیت نا رداٹ خالی مروک آ سیٹ آ ضمنی گچین کاری اڈ تننگ کن الیکشن پروگرام او صوبائی الیکشن کمشنر بلوچستان ءِ بطور ریٹرننگ آفیسر تعینات کننگ نا منظوری تس ضمنی گچین کاری تے کن منظور انگا پروگرام نا رداٹ اومیت دار آتا کاغذات نامزدگی 27 او 28اگست آ ریٹرننگ آفیسر تون جمع کرفنگ کیرہ کاغذات نامزدگی نا جانچ پڑتال نا گڈیکو تاریخ 31اگست گیچن کننگا وخت اس کہ کاغذات نامزدگی نا جانچ پڑتال اٹی ریٹرننگ آفیسر نا فیصلہ غاتا برخلاف اپیل آتے ایسر کننگ نا حتمی تاریخ 4ستمبر 2020 گچین کننگانے اومیت دار آتا حتمی مہشون 5ستمبر آ جاری کننگک وخت اس کہ اومیت دار تینا کاغذات نامزدگی 6ستمبر اسکان پدی ہلنگ کیک۔ سینیٹ نا ضمنی گچین کاری تے کن پالنگ نا تاریخ 12ستمبر 2020 گچین کننگانے۔