ڈپٹی کمشنر و ایس ایس پیک محرم الحرام اٹ تینٹ امام بارگاہ‘ مجلس تا چاروکی ءِ کیر‘محکمہ داخلہ بلوچستان

0

Get real time updates directly on you device, subscribe now.

کوئٹہ (خ ن) محکمہ داخلہ و قبائلی امور حکومت بلوچستان انسپکٹر جنرل پولیس بلوچستان و غٹ ڈویژنل کمشنر آتے پارت کرسا پارینے کہ حکومت بلوچستان نالس نا فائدہ و واپاری سرجز آتے بحال کننگ کن لاک ڈاؤن اٹ نرمی کرینے و پوریاگر تیکن ماسک ءِ المی گوندنگانے تاکہ پوریاگر برادری‘ لس الس نا ہن وبر و کاریم یا گڑا ہلنگ نا وخت آ حکومتی پارت آتیا عمل کننگے‘ ولے پوریاگر برادری والس پیدوار وڑ اٹ پارت نا خلاف ورزی ءِ کننگ اٹی ءُ‘ حکومتی ایس او پی تا خلاف ورزی کننگ ناسوب آن مچ آصوبہ ٹی کوویڈ 19نا کیسک داسہ ہم رپورٹ مننگ اٹی ءُ ہرانا سوب آن اسہ وار ولدا ایس او پی تیا عملدرآمد ءِ پک کرسا ماسک ءِ المی گوندنگانے‘ پوریاگر و لس بندغ آک اسٹ ایلو مچے مُر مریر‘ خاص وڑ اٹ السی ہند‘ دکان‘ بازار‘ پارک‘ مال و ٹرانسپورٹ اٹ خاص خیل تخنگے۔ داکان بیدس خلاف ورزی کروک تعقلدار دکاندار وبندغ نابرخلاف سخت کانودی کارروائی کننگے۔ غٹ ڈپٹی کمشنر و ایس ایس پی تے پارت کننگک کہ او محرم الحرام اٹ تینٹ امام بارگاہ‘ مجلس تا چاروکی ءِ کیر تاکہ COVID-19 نا بابت ایس او پی تیا عملدرآمد ءِ پک کننگ مرے و ہڑدے نابنداو آ فوٹو تون اوار رپورٹ آتے ہم شیئر کننگے۔

Get real time updates directly on you device, subscribe now.

Leave A Reply

Your email address will not be published.