ضلع چاغی نا زمیندار تے گوجالنگ انگ ءِ‘نورمحمد نوتیزئی
Get real time updates directly on you device, subscribe now.
چاغی (آن لائن) ضلع چاغی نا زمیندار تے ہرسال گوجالنگ انگ ءِ‘ تدوک آ کیہی سال آن محکمہ کشت وکشار بلوچستان ضلع چاغی نا زمیندار تے نئے دسنگ کن جوان ءُ بج تننگک و نئے ایلو کشاری آسراتی تننگ انگ ءِ‘ چاغی ناالس و زمیندارک مہالو آن پسماندہ ءُ‘ اینخو ملخ آتا بھسکاری و پیماز نا مارکیٹ ریٹ انا تمنگ آن 80 درسَد زمیندارک وامدار مسنو۔ دا ہیت آتے دالبندین زمیندار ایسوسی ایشن چاغی نا صدر نورمحمد نوتیزئی‘ حافظ فضل الرحمان‘ نائب صدر میر حبیب سنجرانی‘ جنرل سیکرٹری بہرام خان‘ گل محمد امان اللہ بلوچ وایلو زمیندارک تینا بیان اٹ کرینو۔ او پاریر کہ ایم پی اے چاغی ایم این اے رخشان ڈویژن محکمہ کشت وکشار چاغی نا ڈپٹی ڈائریکٹر و محکمہ کشت وکشار بلوچستان نا بڑزکو کمامدار آتیان خواست کینہ کہ ضلع چاغی نا زمیندار تا نسخان تے پورو کرسا خولم نا دسنگ کن سرکاری روائٹی نا بیج تننگے تاکہ زمیندارک وخت آ خولم دسنگ کیر وپین نسخان آن بچنگ کیر۔