ایگزیکٹو انجینئر ایریگیشن کیرتھر کینال نا ڈمب ڈسٹری نا دورہ
Get real time updates directly on you device, subscribe now.
ایگزیکٹو انجینئر ایریگیشن کیرتھر کینال غلام محمد بادینی ڈمب ڈسٹری ٹی وارا بندی نا دورہ ءِ کرسا دیر انا بشخ و پانٹ نا عمل نا جاچ ءِ ہلک۔ دا وخت آ او پارے کہ ساڑی وارا بندی نا رِد اٹ فیز ٹو ٹی دیر انا فراوانی پدریسہ برجا ءِ و محکمہ آبپاشی مچ آ کمانڈ ایریا نا کشارگر و زمیندار تے اوفتا پن کروک بشخ انا رِد اٹ انصاف اٹ دیر انا فراوانی ءِ پک کننگ کن گام گیج کننگ اٹی ءِ۔ دورہ نا وخت آ سب انجینئر ریاض احمد میمن، کینال سپروائزر رجب علی عمرانی و داروغہ روشن علی چہوان ہم اوڑتون اوار ئس، وخت اس کہ سب انجینئر ریاض احمد میمن دیر انا فراوانی و فیلڈ انا جم حالیت آتیا بریفنگ تس۔ غلام محمد بادینی پیدوار کرے کہ دیر انا بشخ و پانٹ آ ہچ سمجھوتہ کننگپک و اسہ حقدار زمیندار و کشارگر اسے تون بے انصافی مننگ کن الیپنہ۔