انجمن تاجران رکھنی نا ڈَل انا ڈی آئی جی کوہ سلیمان تون اوڑدہی

انجمن تاجران رکھنی نا ڈل ڈی آئی جی کوہِسلیمان تون اوڑدہی کرے، ہراٹی رکھنی ٹی ودوک آ دُزی و داڑیلی نا واقعہ غاتتون اوار امن ایمنی نا جم حالیت آ گپ و تران کننگا۔ ڈل انا کماشی ءِ انجمن تاجران نا ضلعی صدر فرید اللہ کھیتران کرے، وخت اس کہ جنرل سیکرٹری سید جلال شاہ و چیئرمین وڈیرہ فاروق ہم اوڑتون اوار ئسر۔ ڈل شاری، پوریاگر و مسافر آتے مون تروک سیکورٹی گڑتی تیان آگاہ کرسا خواست کرے کہ پولیس گشت ءِ بھرمی و باقاعدہ جوڑ کننگے تاکہ ڈوہ تے توننگ مرے۔ ڈی آئی جی کوہ سلیمان ڈل ءِ باور کرفے کہ رکھنی ٹی پولیس گشت ءِ ودفنگے و امن وایمنی نا جوانی کن گام گیج کننگے تاکہ شاریک تینے رکھوک سرپند مریر۔