لس گچین کاری تے کن فنڈ جاری کننگ نا وڑ و ڈَول آ سلابت پک
بنجائی حکومت نا کنڈ آن الیکشن کمیشن ءِ گرج انا رد اٹ ریسہ اٹ فنڈ جاری کننگ نا فیصلہ،جم وڑ اٹ 42 و نیم ارب روپئی تننگک
Get real time updates directly on you device, subscribe now.
اسلام آباد : بنجائی حکومت لس گچین کاری تیکن فنڈ جاری کننگ نا وڑوڈول ءِ پک کرے‘اولیکو سَے ماہی ٹی کل فنڈ آتے جاری کننگ نا الیکشن کمیشن ناسلاہ ءِ امنا کننگ آن نمن کننگا‘ حوالی نا رد اٹ حکومت الیکشن کمیشن نا گرج انا رد اٹ مرحلہ وار فنڈ جاری کننگ نا فیصلہ کرینے‘ حوالی نا رد اٹ تدوک آ مالی سال انا 10 ارب روپئی ءِ دوارہ فراوان کننگ نا منظوری تننگانے‘ لس گچین کاری تیکن جم وڑ اٹ 42 ارب 42 کروڑ روپئی فراوان کننگک حکومتی حوالی نا رد اٹ فنڈ ءِ گرج انا رد اٹ مرحلہ وار جاری کننگک‘ الیکشن کمیشن گرج انا رد اٹ فنڈ اکن وزارت خزانہ تون ہیت کیک‘ گچین کاری تا بابت اولیکو مرحلہ ٹی 10 ارب روپئی جاری کننگ نامنظوری تننگانے‘ کلؤ 42 ارب 42 کروڑ آن 10 ارب روپئی تدوک آ مالی سال جتا کننگاسس‘ الیکشن کمیشن تدوک آ مالی سال لس گچین کاری تیکن 47 ارب 42 کروڑ روپئی خواہسوسس۔ الیکشن کمیشن ءِ تدوک آ مالی سال 15 ارب روپئی جاری کننگ نا منظوری تننگاسس وخت اس کہ تدوک آ مالی سال الیکشن کمیشن ءِ 5 ارب روپئی تننگاسس‘ حوالی نا رد اٹ 5 ارب آن 4 ارب 47 کروڑ روپئی کاری اٹ اتنگا‘ الیکشن کمیشن سلوک 53 کروڑ روپئی ءِ پدی وزارت خزانہ ٹی جمع کرفیسس۔ الیکشن کمیشن تدوک آ سال انا 10 ارب 53 کروڑ روپئی ءِ دوارہ تننگ نا خواست کرینے۔
(آن لائن)