صحافی تا آسودہی کن کل وسیلہ غاتے کاریم اٹ اتنگ اُن، مریم اورنگزیب

عمرانی فتنہ تینا ایسر آ سر مسنے، بروک آ گچین کاری تے ٹی سرسہب مرسا نواز شریف نا کماشی ٹی حکومت جوڑ کینہ

0

Get real time updates directly on you device, subscribe now.

مانانوالہ : حوالکاری و شینکاری نا بنجائی وزیر مریم اورنگزیب پارینے کہ ساڑی حکومت صحافی تا آسوہی کن کل وسیلہ غاتے کاریم اٹ اتنگ اٹی ءِ‘ صحافی تیکن ہیلتھ انشورنس جاری کننگ ستا کڑزک‘ ہراڑان مچ آ ملک انا صحافی برادری فائدہ ہرفنگ کیک۔ عمرانی فتنہ تینا ایسر آسر مسنے‘ بروک آ گچین کاری تے ٹی پاکستان مسلم لیگ ن میاں نواز شریف ناکماشی ٹی حکومت جوڑ کیک‘ پنجاب ہم مسلم لیگ ن نا قلعہ ءِ۔دا خیال آتا درشانی ءِ بنجائی وزیرحوالکاری وشینکاری مریم اورنگزیب صحافی تا سپہ سالار شہباز احمد خان گروپ لیڈر پریس کلب شیخوپورہ و صدر اے پی این اے پنجاب تون اوڑدہی نا وخت آ کرے‘ اوپارے کہ مسکوہی سلیکٹڈ وزیراعظم عمران احمد نیازی نا حکومت سیاسی تاریخ نا بد انگا حکومت ئس ہرا ملکی زرگزران ءِ بے کچ نسخان رسیفے‘ وزیراعظم شہباز شریف تینا کابینہ تون اوار بھازخواری اٹ کاریم کرے ہرانا سوب آن آئی ایم ایف تون معاہدہ مس و پاکستان ءِ ڈیفالٹ خواہوک آتا ناپاک انگا ارادہ غاک ہم مِش تا مسر‘ پاکستان ءِ انشاء اللہ شونداری نا کسر آروان کرینن‘ بروک آ گچین کاری تے ٹی سرسہبی دوئی کننگ آن پد پاکستان مسلم لیگ ن میاں نواز شریف ناکماشی ٹی حکومت جوڑ کیک‘ اوپارے کہ صحافی تیکن ہیلتھ انشورنس ءِ آن لائن کننگانے ہراٹی مچ آ ملک انا صحافی تا آسودہی نا عمل ءِ پک کننگک۔ شہباز احمد خان گروپ لیڈر پریس کلب شیخوپورہ و صدر اے پی این اے پنجاب وبنجائی راہشونک شیخوپورہ تون اوار مچ آ ملک انا علاقائی صحافی تا ویل آتیان معلومدار کریر‘ حوالکاری و شینکاری نا بنجائی وزیر ویل آاتے ایسر کننگ نا پرمان جاری کرے‘ بروک آ حکومت اٹ بننگ آن پدصحافی تیکن کالونی جوڑ کننگ نا تغ ءِ پورو کننگ نا عزم انا درشانی کرے‘ ہراڑکن شہباز احمد خان وڈل اٹ اوار راہشونک بنجائی وزیر نا منت ءِ ہرفیر۔

Get real time updates directly on you device, subscribe now.

Leave A Reply

Your email address will not be published.