ترکیہ نا صدر رجب طیب اردگان بروک آ تُو پاکستان آ بریک
Get real time updates directly on you device, subscribe now.
اسلام آباد : ترکیہ نا صدر رجب طیب اردوان نا بروک آ تُو اٹ پاکستان نادورہ کنگ ناگمان ارے‘ سفارتی حوالی نا رد اٹ دورہ اگست نا اولیکو ہفتہ ٹی مننگ نا گمان ارے‘ پاکستان نادورہ ناوخت آ ترکیہ ناصدر تون اسہ ڈل اس ہم پاکستان آبریک‘ ترکیہ نا وزیر خارجہ حکان فدان ہم صداردوان تون اوار مرک‘ ترکیہ نا وزیر خارجہ حکان فدان وزارت خارجہ ٹی وزیر خارجہ بلاول بھٹو زرداری تون اوڑدہی ہم کیک‘ دورہ نا وخت آ ترک صدر وزیراعظم شہباز شریف تون ہم اوڑدہی کیک‘ ہڑتوم آ ملک آتا نیام اٹ تین پہ تینی و دفاعی کمک نا مفاہمتی یاداشت آتیا دستخط ہم کننگک‘ ڈل اٹ ترکیہ بحریہ نا بڑزکو کمامدار آک ہم اوار مریرہ‘ دورہ ناوخت آ ترکیہ صدر پاکستانی کمامدارآتتون اوڑدہی کیک‘ ترک صدر و ترک بحریہ نا کمامدار آک پاک بحریہ ٹی اوار مروک پوسکن آ بحری جہاز پی این ایس طارق نا لانچنگ ءِ ہم کیرہ۔ پی این ایس طارق نا لانچنگ کن باقاعدہ دود اس اڈ تننگک۔
(آن لائن)