نگران وزیراعظم نا پک فیصلہ متنے، سلابت برجا ءِ، شیر ی رحمن

سلام آباد : بنجائی وزیر موسمیاتی بدلی و پاکستان پیپلزپارٹی نا راہشون شیری رحمن پارینے کہ نگران وزیراعظم نا تعیناتی نافیصلہ سلابت اٹ کننگک‘ آئین اٹ نگران وزیراعظم نا تقرری نا وڑ وڈول پک ءِ‘ فیک نیوز نا کمک اٹ کس اسے نا کاٹم آ نگران وزیراعظم نا تاج ءِ تخنگا، پیپلز پارٹی تون دابابت ہچ ءُ پن اس شیئر متنے‘ ہراتم پن شیئر متنے تو فائنل امر مس؟ دوشنبے نا دے اسلام آباد اٹ فیصل کریم کنڈی تون اوار پریس کانفرنس کرسا وزیر موسمیاتی بدلی شیری رحمن نگران وزیراعظم نا تعیناتی نا بابت اسحاق ڈار نا پن آ میڈیا ٹی پیری کروک خبر تے غلط گوندا و پارے کہ آئین اٹ نگران وزیراعظم نا تقرری نا وڑوڈول پک ءِ‘ دَرو فیک نیوز نا کمک اٹ اسٹ اسے نگران وزیراعظم نا تاج بیرفنگا‘ نگران حکومت کن کنڈ ہلپننگ اسہ المی ءُ گرج اسے‘ نگران وزیراعظم نابابت میڈیا ٹی چلینگوک خبرک راست افس‘ گمان تیا ہیت کننگپ‘ پن آ امنائی کن وخت درکار ءِ‘ داسکان ہچ ءُ فیصلہ اس متنے کہ دیر نگران وزیراعظم مریک‘ پیپلز پارٹی تون دابابت ہچ ءُ پن اس شیئر متنے پاننگا کہ پن فائنل مسنے، سیٹ ایڈجسٹمنٹ مسنے‘ پن شیئر متنے تو فائنل امر مس؟ نامقابلہ داوخت آحالیت آتتون ءِ لس گچین کاریک تینا پک کروک وخت آ مریرہ‘ ملک ءِ مون تروک چیلنج آتیان کل ءِ سماءِ‘ الس ءِ کبینی مون تروک ءِ‘ وخت آ گچین کاری تا مننگ آن ملک اٹ گچینی بریک‘ داوخت آ نوکاپ نا زہمی و نیاڑیک بھاز نزور ءُ‘ 25جون آن دا وخت اسکان نوکاپ آن 131 بندغ زوال مسنو‘ میڈیا مچٹ پک انگا خبرتیا ہم چکار کے۔ فیصل کریم کنڈی پارے کہ لوئر و چترال نا علاقہ نوکاپ آن بھاز زہمی مسنے‘۔ دبئی میٹنگ نا چلیفوک اسہ خبر اس ہم راست متنے‘ نگران وزیراعظم کن میڈیا غا کل فیک نیوزک پیری کننگ ءُ‘ نگران وزیراعظم نا تقرری فیصلہ کل جماعت آتا سلابت اٹ مریک‘ کل خوارہ کہ گچین کاریک وخت آ مریر و 90دے آن ہچ گہس مونی ہنپس۔ پاکستان پیپلز پارٹی ءِ ہم مردم شماری تیا گڑتی ارے نن خوانہ کہ مردم شماری ناسوب آن گچین کاریک ہُرے آ مفس‘ نگران وزیراعظم کن مسہ پن فائنل مریرہ‘ نن ہم تینا پن اس اتینہ ہراکان گڈ اپوزیشن لیڈر تون سلاہ کننگک، اسحاق ڈار نا پن پاکستان پیپلز پارٹی آ بتنے‘ او پارے کہ پاکستان پیپلزپارٹی نگران حکومت جوڑ کننگ کن سید نوید قمر، یوسف رضا گیلانی و خورشید شاہ غا تالان مسہ باسکی کمیٹی جوڑ کرینے۔

(آن لائن)