نگران وزیراعظم نا باندات حکومتی بھلا تا سلابت نا بنا
مولانا فضل الرحمان، میاں نواز شریف و مسکوہی صدر آصف علی زرداری نا اوار تولنگ نا ہم گمان
Get real time updates directly on you device, subscribe now.
اسلام آباد : نگران وزیراعظم نا باندات‘ حکومتی بھلاک سلابت نا بناءِ کریر‘ پی ڈی ایم نا سروک تون وزیراعظم شہبازشریف، مسکوہی صدر زرداری، میاں نوازشریف و اختر جان مینگل رابطہ کننگ اٹی ءُ‘ بی این پی نا سروک اختر جان مینگل مولانا فضل الرحمان نا ہنکین آ ہنا‘ ہرتوم آ راہشونک ون آن ون اوڑدہی کریر‘اوڑدہی ناوخت آ نگران وزیراعظم، بلوچستان نا نگران سیٹ اپ تون اوار صوبہ نا حالیت آتیا سلابت کننگا‘ مولانا فضل الرحمان وڈھ اٹ تدوک آ دے مروک بے چیٹی آ گڑتی ہم درشان کرے‘ حوالی نا رد اٹ مولانا فضل الرحمان تون وزیراعظم میاں شہباز شریف ہم رابطہ کرینے‘ وزیراعظم میاں شہباز شریف اینو مولانا فضل الرحمان نا باوہ پیرہ ئی آ علاقہ ڈیرہ اسماعیل خان آ کاہک‘ ہڑتوم آراہشونک شونداری ڈٹ آتابناءِ کننگ تون اوار ملک انا جم سیاسی حالیت آتیا سلابت ہم کیرہ‘ وزیراعظم میاں شہباز شریف نگران وزیراعظم نا باندات آ ہم جم سلابت کیک‘ بروک آ دے تے ٹی مولانا فضل الرحمان، میاں نواز شریف ومسکوہی صدر آصف علی زرداری نا اوڑدہی نا ہم پک گمان ارے‘ ہر مسٹ آ راہشون تا دبئی ٹی اوڑدہی نا پک گمان ارے‘ باندات آتے ڈل و ٹیلفونک ایسر کننگ نا کوشست کننگک‘ نہ تو برائے راست اوڑدہی مریک‘ مسکوہی صدر آصف علی زرداری ہم مولانا فضل الرحمان تون رابطہ کرے‘ داسہ نا حالیت آتیا ہڑتوم آ راہشونک سلابت کریر۔ ایلو کنڈ آ نگران حکومت نا باندات آ مسلم لیگ ن نا قائد نواز شریف ومسکوہی صدر آصف زرداری پی ڈی ایم نا سروک مولانا فضل الرحمان تون رابطہ کرینو‘ حوال نا رد اٹ ساڑی حکومت نا مُد انا پورو مننگ آ نگران حکومت جوڑ کننگ کن سیاسی راہشون تا سلابت نا عمل برجاءِ۔ مسلم لیگ ن، پاکستان پیپلزپارٹی و جے یو آئی ٹی رابطہ کننگ اٹی ءُ‘ حوالی نا رد اٹ مسلم لیگ ن نا قائد نوازشریف ومسکوہی صدر آصف علی زرداری اسک ہم مولانا فضل الرحمان تون رابطہ کرینو ہراٹی نگران حکومت نا باندات آسلابت کننگا‘ نواز شریف و آصف زرداری نانیام اٹ دبئی ٹی رابطہ مسنے‘ حوالی نا رد اٹ مولانافضل الرحمان نا ہم دبئی آہننگ ناگمان ارے‘ ہراٹی نگران حکومت ناپن تیا پک سلابت کننگک و بروک آلس گچین کاری تا بابت ہم لائحہ عمل پک کننگک۔
(آن لائن)