قومی سلامتی نا دیوان تیٹی سائفر ءِ امنا کننگا، شاہ محمود قریشی

ای مہالو ہم پیش مسنٹ، سول آتا ایمانداری اٹ ورندی تسنٹ، اینو ہم ہمو موقف ءِ تسٹ، وائس چیئرمین پی ٹی آئی

0

Get real time updates directly on you device, subscribe now.

اسلام آباد : تحریک انصاف نا وائس چیئرمین شاہ محمود قریشی ومسکوہی جنرل سیکرٹری اسد عمر سائفر و آڈیو لیک نا باندات آ ایف آئی اے ٹی پیش مسر‘ تحریک انصاف نا وائس چیئرمین شاہ محمود قریشی اسلام آباد اٹ ایف آئی اے نا ہیڈ کوارٹر آ بس ہراڑے او سائفر و آڈیو لیک نا باندات نا جاست پاست کروک اسیجائی جاست پاستی ٹیم انا مون آ پیش مس۔ ایف آئی اے نا 8باسکی اسیجائی جاست پاستی ٹیم دابابت جاست پاست کننگ اٹی ءِ و ڈائریکٹر ایف آئی اے اسلام آباد زون راناجبار کمیٹی نا کماشی ءِ کننگ اٹی ءِ‘ ایف آئی اے نا چندی ونگ آتا افسر آتتون اوار مسہ اینٹلی جینس ادارہ غاتیان گریڈ 19 نا اسہ اسہ افسر ہم جے آئی ٹی ٹی اوار ءُ‘ ایف آئی اے نا دہشتگردی تور ونگ شاہ محمود قریشی و اسد عمر ءِ بٹنگاسس۔ ایف آئی اے نا مون آ پیشی آن پد میڈیا تون ہیت وگپ اٹ شاہ محمود قریشی پارے کہ پاو کم اِرا گھنٹہ اسکان جوائنٹ انویسٹی گیشن ٹیم انا مون آپیش مسٹ‘ داکان مست ہم نوٹس رسینگا و ای سوج لڑ ءِ خواہسٹ‘ ای داکان مست ہم پیش مسٹ‘ سوج آتا دیانتداری اٹ ورندی ءِ تسٹ‘ اینو نا سوج آتیا تینا موقف ءِ تسٹ۔ شاہ محمود قریشی پارے کہ ای مہالو اٹ ہم پارینٹ کہ سائفر اسہ حقیقت اس ئس و حقیقت اسے‘ زموار آ بندغ آک ہرافتا تعلقداری کنا جماعت آن اف اوفک پاریر کہ دا سیاسی راگ اسے‘او مستی پارے کہ سائفر چنکو گڑاس الو‘ اونا حیثیت، نوعیت آ قومی سلامتی نا اِرا دیوان مسر‘ اسہ مسکوہی وزیر اعظم و ایلو ساڑی وزیراعظم نا کماشی ٹی دیوان اڈہلک‘ ہڑتوم آ دیوان تے ٹی سائفر ءِ امنا کننگانے‘ شہبازشریف ناکماشی ٹی اڈہلوک دیوان اٹ ہم اودے دروغ آخا راست پک کننگا۔ شاہ محمود پارے کہ نیشنل سکیورٹی کمیٹی نا دیوان اٹ کل سیاسی جماعت آتا سرکڑدہ غاتے بٹنگ انگا ہمو وخت انا اپوزیشن دیوان آن بائیکاٹ کریسس‘ چیئرمین پی ٹی آئی کوشست کرے کہ سپریم کورٹ نا چاروکی ٹی آجو جاست پاست مرے۔ ایلو کنڈآ سائفر نا باندات آ تحریک انصاف نا مسکوہی جنرل سیکرٹری اسد عمر ہم ایف آئی اے ٹی پیش مس‘ پیشی آن پد اسد عمر پارے کہ ای ایف آئی اے نا کل سوج آتا ورندی ءِ تسٹ‘ کنا کراچی نا فلائٹ ءِ ہندا سوب آن میڈیا تون ہیت کننگ کپرہ۔

(مانیٹرنگ ڈیسک)

Get real time updates directly on you device, subscribe now.

Leave A Reply

Your email address will not be published.