توہین الیکشن کمیشن کیس، عمران خان نا دزگیری وارنٹ جاری

اسلام آباد : توہین الیکشن کمیشن کیس اٹ چیئرمین پی ٹی آئی ومسکوہی بنجائی وزیرحوالکاری فواد چوہدری نا ناقابل ضمانت دزگیری وارنٹ جاری کننگا‘ چیئرمین پی ٹی آئی عمران‘ فواد چوہدری و اسدعمر نا برخلاف توہین الیکشن کمیشن کیس انا سماعت مس‘ ممبر سندھ نثار درانی ناکماشی ٹی چار باسکی کمیشن سماعت ءِ کرے‘ چیئرمین پی ٹی آئی عمران خان، فواد چوہدری و اسدعمر ناوکیلک الیکشن کمیشن اٹ پیش متوس‘ اسد عمر ناکمکار وکیل کمیشن ءِ پارے کہ اسد عمر نا پین کیس ہم ارے و او ڈاکٹر آن نمبر ہلکنے‘ نی حاضری آن استثنیٰ ایت‘ اسد عمر داڑے حاضر مرسا کرینے‘ الیکشن کمیشن ناباسک پارے کہ نی درخواست جمع کرف۔فواد چوہدری واونا وکیل فیصل چوہدری ہم پیش متو‘ اونا کمکار وکیل پارے کہ فواد چوہدری لاہور وخت اس کہ فیصل چوہدری اسلام آباد ہائیکورٹ اٹی ءِ‘ فیصل چوہدری بننگ نا پارینے‘ پیش مفننگ آ الیکشن کمیشن چیئرمین پی ٹی آئی عمران و فواد چوہدری نا ضمانت مفروک دزگیری وارنٹ جاری کرے۔ اسلام آباد پولیس ءِ چیئرمین پی ٹی آئی ءِ دزگیر کرسا اینو سَے شنبے نا دے دَہ بجہ غا دزگیر کننگ نا پرمان جاری کرسا سماعت ءِ پد بٹنگا۔

(آن لائن)