کورونا وائرس نا اثرک‘چین اٹ اے ٹی پی و ڈبلیو ٹی اے ٹینس ایونٹ آک کینسل

اسلام آباد (مانیٹرنگ ڈیسک) کورونا وائرس نا اثر تا سوب آن چین اٹ اے ٹی پی و ڈبلیو ٹی اے ٹینس ایونٹ آتے کینسل کننگانے۔ کینسل کننگ آن پد اینخو چین اٹ ہچ ءُ ٹینس ایونٹ اس مفک۔ چین اٹ کورونا وائرس نا سوب آن انٹر نیشنل ایونٹس آ پابندی ءِ۔ چین اٹ بیرہ بیجنگ ونٹر اولمپکس 2022ء نا ٹرائل ایونٹ نا موکل ارے۔ ایلو کنڈآ ڈبلیو ٹی اے نا چیف ایگزیکٹو سٹیو سمن پارینے کہ افسوز ءِ کہ ڈبلیو ٹی اے نا اہم انگا ایونٹ چین اٹ مفک۔ ڈبلیو ٹی اے فائنل آتون اوار7 ایونٹ چین اٹ مروئی ئس۔ اے ٹی پی نا منسوخ مروک آ 6 ایونٹ آتیٹی شنگھائی ماسٹرک و چائنا اوپن ہم اوار ءِ۔ اے ٹی پی نا چیئرمین آندرے گودنزی نا رداٹ چینی حکومت نا فیصلہ نا عزت کینہ، ولدا ہم ایونٹ نا کینسلی نا افسوز ءِ۔ او پارینے کہ دانا بدلہ نا پلان جوڑ کننگ اٹی اُن تانکہ ٹینس نا کاریم تا بنا مننگ آن پد برجا سلے۔ یات سلے کہ انٹرنیشنل ٹینس نا کاریمک کورونا وائرس نا دَین انا سوب آن 5 تُو انا وقفہ غان پد اگست اٹ بنا مننگ اٹی ءِ۔