معین علی انگلینڈ کرکٹ ٹیم نا نائب کیپٹن جوڑ مس

لندن (مانیٹرنگ ڈیسک) مسلمان گوازی گر ءِ انگلینڈ کرکٹ ٹیم نا نائب کیپٹن جوڑ کننگانے، آل راونڈر معین علی آئرلینڈ نا برخلاف اسہ دے ئی سیریز نا ٹیم نا نائب کیپٹنی نا فرض آتے پورو کیرہ۔ حوال نا رداٹ بھلو وخت اسے آن پد اسہ مسلمان گوازی گر اسے انگلش کرکٹ ٹیم نا کیپٹنی نا فرض دوئی مسنے۔ ہندن پاننگانے کہ انگلینڈ نا اسہ دے ئی و ٹی ٹوئنٹی ٹیم نا پک ءُ باسک اس آل راونڈر معین علی ءِ ٹیم نا نائب کیپٹن جوڑ کننگ نا فیصلہ کننگانے۔ معین علی آئرلینڈ نا برخلاف شیڈول اسہ دے ئی میچ آتا سیریز اٹ تینا ٹیم نا نائب کیپٹن مریک۔ سوگو ءُ گمان اس ارے کہ اودے سیریز نا ہچ ءُ میچ اسے ٹی کیپٹنی کروئی تما۔ ہندن پاننگانے کہ اسہ مرغن ءُ وخت اسے آن پد ہچ ءُ مسلمان گوازی گر اس انگلش ٹیم نا کیپٹنی کن گچین کننگانے۔ داکان مست ناصر حسین انگلش ٹیم نا کیپٹنی ءِ کرینے۔