ٹور ڈی فرانس سائیکل ریس 29 اگست آن بنا مریک
Get real time updates directly on you device, subscribe now.
ڈبلن (مانیٹرنگ ڈیسک) کورونا وائرس نا سوب آن کینسل مروک آ ایونٹ ٹور ڈی فرانس سائیکل ریس بروک آ تو 29 اگست آن بنا مننگ اٹی ءِ۔ داڑان بیدس مئی اٹ شیڈول گیرو ڈی اٹالیہ سائیکل ریس داسہ 3 آن 25 اکتوبر اسکان اڈ ہلیک۔ آئرش سائیکلسٹ نیکولس روچے ٹور ڈی فرانس و گیرو ڈی اٹالیہ سائیکل ریس اٹ اواری ءِ پک کرینے۔ نیکولس روچے و اونا سنویب ٹیم فرانس آ ہننگ آن مست آسٹریا ٹی راجی رابطہ نا خیالداری ءِ کرسا ٹریننگ دوئی کیرہ۔ دانا اسہ بشخ اسے نا وڑ اٹ اوفک آسٹریا الپس اٹ اسہ ہوٹل اسے ٹی رہنگرہ ہرا سنویب ٹیم نا سائیکل سوار آتیکن خاص وڑ اٹ یلہ ءِ۔ ٹیم سوار و عملہ انفیکشن نا خلیس ءِ کم کننگ کن کیہی بائیو رکھوک آ ہند آتیا کاریم کیک۔ کیمپ انا سفر کننگ آن مست کل سائیکل سوار آتے کوویڈ۔19 نا منفی ٹیسٹ تروئی تمک۔