نشان تننگ کن جمہوری بیرشت بیننگ آن کس اس جمہوری مفک، ڈاکٹر شہباز گل

اسلام آباد (اے پی پی) وزیراعظم نا خصوصی کمکار سیاسی امور ڈاکٹر شہباز گل پارے کہ نشان تننگ کن بیرشت بیننگ آن کس اس جمہوری مفک، قائد حزب اختلاف شہباز شریف نا کنڈآن وزیر آتیا تنقید ناورندی ٹی ڈاکٹر شہباز گل پارے کہ پاکستان تحریک انصاف شریف و زرداری فیملی لمیٹڈ جماعت اس اف ہراڑے بادشاہ سلامت نا غلامی وفاداری نا معیار مرے۔ چارشنبے نادے آ تینا ٹویٹ اٹی اوپارے کہ باوہ ، مار و مون آ یوتی تا غلام تینا خیال آتا درشانی ءِ کننگ نا جیرت کننگ کپسہ ہنداسوب آن اوفتے دا بھلو ہیت اس لگک۔