این ڈی ایم اے ڈاکٹر آتیکن رکھی گڑاتا نہمی کھیپ انا صوبہ غاتے فراوانی نا بناءِ کرے
Get real time updates directly on you device, subscribe now.
اسلام آباد(اے پی پی) نیشنل ڈیزاسٹرمینجمنٹ اتھارٹی ڈاکٹر آتیکن رکھی گڑاتا نہمی کھیپ انا صوبہ غاتے فراوانی نا بناءِ کرے۔ دا رد اٹ بلوچستان و خیبر پختونخوا ءِ گڑامون تننگانے۔ این ڈی ایم اے نا ترجمان نا رداٹ بلوچستان ءِ چندی وڑانا 91 ہزار و کے پی کے ءِ 1 لکھ 30 ہزار میڈیکل و فیس ماسک مون تننگا۔ بلوچستان ءِ 7 ہزار و کے پی کے ءِ 10 ہزار رکھی سوٹ مون تننگا۔ 25،25 ہزار سرجیکل گاون ہم تننگا۔ بلوچستان ءِ 40 ہزار دستانہ، 3 ہزار پلاسٹک بوٹ، 100 تھرمل گن و 10 ہزار رکھی عینک ہم تننگا۔ خیبر پختونخوا ءِ 80 ہزار دستانہ، 3 ہزار پلاسٹک بوٹ، 150 تھرمل گن و 15 ہزار رکھی عینک تننگا۔