بیست وچارگھنٹہ ٹی 3،892 پوسکن ءُ کیس، 60 مرک رپورٹ

اسلام آباد (اے پی پی) تدوک آ 24 گھنٹہ ٹی 60 بندغ کورونا وائرس نا سوب آن جان تیان دوتے سلار۔ مچ آ ملک اٹی تدوک آ بیست و چار گھنٹہ ٹی 3 ہزار 892 بندغ اٹی کورونا وائرس پک مس۔ نیشنل کمانڈ اینڈ آپریشن سینٹر (این سی او سی) نا رداٹ داوخت اسکان مچ آ ملک اٹی 77 ہزار 754 کورونا نا ناجوڑ دا دین آن دراخ جوڑ مسنو۔ آزاد کشمیر و گلگت بلتستان اٹی اسہ ناجوڑ اس ہم وینٹی لیٹر آ اف وخت اس کہ مچ آ ملک اٹی کورونا وائرس نا ناجوڑ آتے کن جتا 1 ہزار 539 وینٹی لیٹرآتیا 549 کوروناناناجوڑ داخل ءُ۔ 1 ہزار 895ودکی وینٹی لیٹر جولائی نا ایسر اسکان فراوان کننگک۔ داکان بیدس 200 آکسیجن سلنڈرگلگت بلتستان ءِ روانہ کننگانے۔ اسلام آباد اٹی دینی مرض آتے کن 35 دے اٹی جوڑ کروک آ چنکو مدتی 250 کٹ آتیا تالان ہسپتال اس ہم زوت کاریم نا بناءِ کیک تانکہ اسلام آباد نا ایلو ہسپتال تیا ناجوڑ آتا بھاریم ءِ کم کننگ مرے۔ داوخت آ مچ آ ملک اٹی کورونا نا ایکٹیو کیس آتا کچ 1 لکھ 7 ہزار 417 ءِ اوکان پد مچ آ ملک اٹی کورونا نا ناجوڑ آتا کچ 1 لکھ 88 ہزار 926 ءِ، ہرافتے ٹی آزاد کشمیر اٹی 892، بلوچستان اٹی 9 ہزار 634، گلگت بلتستان اٹی 1 ہزار 337، اسلام آباد اٹی 11 ہزار 483، خیبر پختونخواٹی 23 ہزار 388، پنجاب اٹی 69 ہزار 536 و سندھ اٹی 72 ہزار 656 ناجوڑ ءُ۔ مچ آ ملک اٹی کورونا غان مرک آتا کچ 3 ہزار 755ءِ ہرافتیان سندھ اٹی 1 ہزار 124، پنجاب اٹی 1 ہزار 516، خیبر پختونخواٹی 855، اسلام آباد اٹی 108، بلوچستان اٹی 106، گلگت بلتستان اٹی 23 و آزاد کشمیر اٹی 23 مرک مس۔ تدوک آ بیست و چار گھنٹہ ٹی 23 ہزار 380 بندغ نا کورونا وائرس ٹیسٹ کننگا اوکان پد مچ آ ملک اٹی کورونا نا کروک آ ٹیسٹ آتا کچ 11 لکھ 50 ہزار 141 مسنے۔ داوخت آ مچ آ ملک اٹی کورونا کن جتا 769 ہسپتال آتے ٹی 6 ہزار 256 ناجوڑ داخل ءُ۔