خلیجی ملک آتیان بروک ترسیلات زر آک 53 درسد آن زیات ءُ، اسٹیٹ بینک
Get real time updates directly on you device, subscribe now.
اسلام آباد (اے پی پی) پاکستان جم ترسیلات زر انا 93 درسد بشخ 10 ملک آتیان ہلیک۔ خلیجی ملک آتیان ملوک آ ترسیلات زر انا بشخ 53 درسد آن زیات ءِ۔ اسٹیٹ بینک آف پاکستان نا رپورٹ نا رداٹ غٹ آن زیات ترسیلات زر مون تروک آ ملک آتے ٹی سعودی عرب، متحدہ عرب امارات، امریکہ و برطانیہ تون اوار ایلو خلیجی ملک آک پین پین اوار ءُ۔ پاکستان ءِ ملوک آ جم ترسیلات زر انا 93 درسد بشخ دا ملک آتیان ہلیک وخت اس کہ خلیجی ملک آتے ٹی رہینگوک آ پاکستانی برادری اسہ سال اٹی جم ترسیلات نا 53 درسد نا بریبر زر پاکستان آ گدریفک۔ اقتصادی چاہندار آک پارینو کہ کوویڈ۔ 19 نا سوب آن جہانی کہول آ کاروباری مندی نا سوب آن ترسیلات زر انا ہلنگ اٹ کمتی نا گڑتی ءِ۔ اوپاریر کہ کورونا وائرس نا جہانی دین اٹی ہنداسال انا اولیکو سہ ماہی ٹی جنوری آن مارچ 2020 ٹی امریکہ و برطانیہ نا جم قومی پیداوار(جی ڈی پی) ٹی بالترتیب 4.8 و 2 درسد نا کمتی مسنے۔ ہنداوڑ تیل انا نہاد آتے ٹی نمان کمتی نا سوب آن خلیجی ریاست آتا زرگزران ہم بھاز بے وڑ زہمی مسنے ہرانا سوب آن ترسیلات زر اٹی کمتی نا گڑتی ءِ۔