دنیا ٹی ہلوک آ کورونا وائرس آن زوال کروک آتا کچ 4 لکھ 79 ہزار آن گدرینگا

واشنگٹن (اے پی پی) مچ آ دنیا ٹی ہلوک آ کورونا وائرس آن زوال کروک آتا کچ 4 لکھ 79 ہزار آن گدرینگانے وخت اس کہ چندی ملک آتے ٹی داوخت اسکان کوروناغان 93 لکھ 59 ہزار آن زیات بندغ زہمی مسنو۔ چارشنبے نادے آ امریکی ذرائع ابلاغ نا رداٹ دنیا ٹی غٹ آن زیات 24 لکھ زہمی تتون امریکہ سرفہرست ءِ۔ امریکہ غان پد برازیل زہمی ملک آتا فہرست اٹ ارٹ میکو وخت اس کہ روس مسٹ میکو نمبر آٹے۔ ہراڑے بالترتیب 11 لکھ و 51ہزار و شش لکھ پک زہمی ساڑی ءِ۔ دنیا نا غٹ آن زیات زہمی ملک امریکہ ٹی جم زہمی تا کچ 2424418 ءِ، برازیل زہمی و زوال کروک آتا کچ انا اعتبار اٹ ارٹ میکو بھلا ملک ءِ۔ برازیل اٹی زہمی تا کچ 1151479ءِ۔ کمامدارآتا رداٹ برازیل اٹی کوروناغان داوخت اسکان 52771 بندغ زوال کرینو۔ تازہ انگا حساب وکتاب نا رداٹ دنیا نا چندی ملک آتے ٹی داوخت اسکان کورونا 9،359،279بندغ زہمی و 479،879 زوال کرینو وخت اس کہ فعال ناجوڑ آتا کچ 3،833،128ءِ۔ امریکہ ٹی زہمی بندغ آتا کچ 2424418اسکان سرمسنے۔ امریکہ ٹی کورونا نا فعال ناجوڑ آتا کچ 1280540ءِ۔ ملک اٹی داوخت اسکان 123475زوال مسنے۔ برازیل اٹی کورونا وائرس زہمی تا کچ 11 لکھ 51 ہزار آن گدرینگانے۔ کمامدارآتارداٹ برازیل اٹی ہلوک آ وائرس نا فعال زہمی تا کچ 485363ءِ۔ دا ہیت ذکر انا قابل ءِ کہ مچ آ دنیا ٹی کورونا وائرس نا زہمی تا کچ انااعتبار اٹ امریکہ غان پد برازیل ارٹ میکو نمبر آٹے۔ داڑے روس اٹی ہلوک آ کورونا وائرس آن زوال کروک آتا کچ 8359 مس، وخت اس کہ مچ آ ملک انا چندی علاقہ غاتے ٹی ناجوڑ آتا کچ اٹی ودکی مننگ ءِ۔ روس اٹی کورونانا ہلوک آ دین آن زہمی بندغ آتا کچ ودسا شش لکھ اسکان سرمسنے۔ داڑے بھارت اٹی زہمی تا جم کچ 4 لکھ 56 ہزار آن گدرینگانے وخت اس کہ ملک اٹی 14483 زوال مسنے۔ برطانیہ ہم کوروناغان زیات زہمی ملک آتے ٹی اوار ءِ ہراڑے زہمی تا کچ 3 لکھ شش ہزار آن زیات ءِ وخت اس کہ ملک اٹی داوخت اسکان 42 ہزار 9 سد آن زیات زوال مسنے۔