حکومت پٹرول ءِ 70 روپئی اڑزان کے، شہباز شریف

 اسلام آباد (آن لائن) شہباز شریف کورونا وائرس نا سوب آن ملک ءِ مون تروک سختی ناوخت اٹ سیاست ءِ بھلو گناہ اس گوندسا پارینے کہ ننے غٹ ءِ دا باندات حکومت نا کمک نا ملی خواست آتے پورو کننگ کن تینا پورو کڑد ءِ ادا کروئی مریک۔ مسلم لیگ ن نا صدر شہباز شریف ویڈیو لنک آ کورونا وائرس نا بابت پریس کانفرنس آن تران کرسا پارے کہ شار تے ٹی رہینگوک غریب بندغ آتے رجسٹرڈ کرسا دا ایمرجنسی نا وخت اٹ اوفتے تُوانا 3ہزار روپئی وظیفہ ایتے تو جوان ءُ گام اس مریک۔ شہباز شریف پیٹرولیم نا نہاد اٹ 70روپئی اسہ لیٹر کمتی نا خواست کرسا پارے کہ داڑان لس الس ءِ فائدہ مریک و حکومت ءِ ہچ نسخان ہم مفک انتئے کہ جہانی منڈی تے ٹی تیل انا نہاد تاریخ نا کم انگا کہول آتے۔ شہباز شریف حکومت آن خواست کرے کہ ہرا اُراتا بجلی نا بل 5ہزار و گیس انا بل 2ہزار روپئی بریک تو او اینو دا بل آتے تننگ کپسہ ہندا سوب آن دافتے ملتوی کننگے‘ اگہ بل آتے بشخنگ کپک تو اوفتا تننگ ءِ مچے پد بٹے۔ بدبختی اٹ پاکستان اٹ ہم کورونا وائرس جلہو کرینے و ہرا بندغ آک دانا زہمی مرسا دنیا الانو نن غٹ اوفتا خاہوت آتا غم اٹ بریبر شریدار اُن۔