گوادر‘ اُلس ءِ جوان درمان فراوان کننگ کن پوسکن ءُ ڈاکٹر تعینات کننگ انگ ءِ‘ مجیب قمبرانی

گوادر: ڈائریکٹر جنرل جی ڈی اے مجیب الرحمن قمبرانی تدوک آ دے جی ڈی اے انڈس ہسپتال نا دورہ ءِ کرے۔ و جتا جتا بشخ آتا جاچ اٹی ہسپتال اٹ تعمیر و مرمت نا کاریم تا جاچ ءِ ہلک و ناجوڑ آتون اوار طبی کمامدار آتون اوڑدہی کرے۔ اوفتا ویل آتے ہرفے۔ او وخت آ ہیڈ آف کیمپس ڈاکٹر آفتاب احمد انڈس ہسپتال نا بابت جوان معلومدار کرسا پارینے کہ اُلس ءِ جوان درمان نا آسراتی مفت فراوان کننگ کن ہسپتال اٹ پوسکن آ ڈاکٹر و طبی کمامدار آک تعنیات کننگانے۔ وخت اس کہ لیبارٹری، میڈیسن و ایلو بشخ آتیٹی جوانی ودی کننگانے۔ و درمان تون اوار نظم نسق، جوڑی و سفائی نا حالیت ءِ جوان کننگانے۔ اوکان گڈ ڈائریکٹر جنرل نے جی ڈی اے ماڈل بیچ پارک نا ہم دورہ ءِ کرے و اوڑے برجا شونداری کاریم تا جاچ ءِ ہلک۔ ڈائریکٹر جنرل شونداری کاریم تیٹی ترندی اتنگ نا پارت کرے۔

(خ ن)