حکومت ننا خواست آتا پوروی کن کاریم کپننگ ءِ، نور محمد شاہوانی
Get real time updates directly on you device, subscribe now.
کوئٹہ : بلوچستان گڈز ٹرک اونرز ایسوسی ایشن نا صدر حاجی نور محمد شاہوانی پارینے کہ حکومت نا کنڈآن ننا خواست آتیا عمل درآمد ءِ پک کننگ اٹی افس۔ دا وخت اسکان بلوچستان نا ہر کنڈ آ چیک پوسٹ آک جوڑ ءُ۔ ہراوڑ مستونگ اٹ بدرنگ لیویز چیک پوسٹ و شیخ واصل بارک ٹاپ چیک پوسٹ ہم جوڑ ءُ ہندن نیشنل ہائی وے اتھارٹی و موٹر وے پولیس نا من مانیک ہم برجا ءُ۔ دے کی بائی پاس نا خراب انگا حالیت آن پد موٹروے پولیس نا کمامدار آک بروری چوک جبل نور آ بھلا گاڈی تے دھڑا دھڑ چالان کننگ اٹی ءِ و چیک پوسٹ آتا کمک اٹ بورہ نا گریزی ہم مالو آن زیات ءِ۔ ہڑدے نا بنداو آ پرمٹ نا پن آ 40 آن 50ٹرک بذریعہ لکپاس چیک پوسٹ آن گدرینگسا نوشکے نا کسر اٹ اوغانستان آ ہننگ اٹی ءِ۔ ہراٹی بھلا بندغ آتے پرمٹ ترسا دا دھندہ مالو آن برجا ءِ و اُلس کبین دام آ بورہ ہلنگ آ مجبور ءِ۔ حکومت و انتظامیہ ہمو کمامدار ٹرانسپورٹر آتون کروک آ معاہدہ غاتیا وعدہ غاتیا عمل کیر ایرانی ڈیزل نا بلوچستان آن پیشن پنجاب سندھ و صوبہ خیبر پختونخواہ آ دننگ آ سختی اٹ پابندی خلنگے تدوک آ مسہ دے آن کوئٹہ نا ڈغاری رابطہ پاکستان نا ایلو شار تیان کاٹ کروک ءِ۔
(آن لائن)