سرکاری ہسپتال آتیٹی سیکورٹی مفننگ نا مذمت ءِ کینہ، ینگ ڈاکٹرز

کوئٹہ: ینگ ڈاکٹرز ایسوسی ایشن بلوچستان نا کنڈآن بلوچستان نا سرکاری ہسپتال آتیٹی سیکورٹی مفننگ نا سوب آن ہڑدے نا بنداو آ ڈاکٹر آتے لٹ تننگ نا واقعہ غاتیٹی ودکی نا مذمت ءِ کرسا ہسپتال آتیٹی دارو نا کاختی، مشینری نا خرابی و جھیڑہ غاتا واقعہ غاتیٹی ودکی مننگ اٹی ءِ۔ ہراکہ گڑتی اسے۔ گدرینگوک آ ہفتہ ٹی بولان میڈیکل کمپلیکس ہسپتال و سول ہسپتال کوئٹہ ٹی6 واقعہ رپورٹ مسنو ہراٹی ڈیوٹی آ ساڑی نرینہ و نیاڑی ڈاکٹر آتیا ناجوڑ آتا خاہوت آتا کنڈآن کرینگ، جھیڑہ و کسفنگ نا دھڑکیو تسنے۔ ترجمان نا جاری کروک آ بیان اٹ پارینے کہ داوڑ نا حالیت آتیٹی ڈاکٹر آتیکن ڈیوٹی کننگ بھاز سخت مرسا کننگ ءِ۔ سنڈیمن پراونشل ہسپتال و بولان میڈیکل کمپلیکس ہسپتال کوئٹہ تون اوار ایلو ٹرشری کئیر ہسپتال آتا تینا پک سرکاری سیکیورٹی ہراکہ ہر ہسپتال اٹ 80 آن 100 نا نیام اٹ کارندہ ءُ۔

(آن لائن)