2018ء نا گچین کاری تے پلسا فتنہ ءِ بیٹ کننگا، رانا ثناء

فیصل آباد :  وزیرداخلہ رانا ثناء اللہ پارینے کہ 2018نا گچین کاری تے ٹی بھلو کچ اسے ٹی دھاندلی کرسا اسہ ناسور فتنہ سے ملک آ بیٹ کننگا۔ نوازشریف ءِ اسہ سازش اسے نا رد اٹ نابود کننگا‘ ننا 14 تُو انا حکومت پول صراط اسے آن کم الو ولے شہبازشریف دا وخت اٹ ملک ءِ بھس مننگ آن بچفے‘ اینو ہم پاکستان ءِ سختیک مون تروک ءُ‘ ملک ءِ تنکی تیان کشوئی ءِ تو گڑا مسلم لیگ (ن) نا سرکڑدہ غاتیا باور کروئی ءِ‘ شیر سرسہب مس تو پاکستان تنکی تیان پیش تمک۔ دا خیال آتا درشانی ءِ او موٹروے ایم تھری تون گنڈوک فیصل آباد ستیانہ بائی پاس نا بنداو ءِ تخنگ نادود آن تران کرسا کرے۔ وزیرداخلہ پارے کہ ڈٹ آتا پورو مننگ آن شونداری ناپہیہ تیز مریک‘ وزیراعظم ارا ڈٹ انا بناءِ کرینے ہرافیا 10ارب روپئی خڑچ بریک‘ وزیراعظم بیرہ ہندا ڈٹ آتا بنداو ءِ تخنگ کن فیصل آباد آ بسنے۔ 1997 و 1998 ٹی شہبازشریف ءِ وزیراعلیٰ پنجاب گچین کننگا‘ شہباز شریف تینے نما خذمتگار مننگ ءِ خذمت سرپند مس‘ ستیانہ روڈ فیصل آباد ءِ لاہور ملتان موٹروے تون لنک کیک۔ بنجائی وزیرداخلہ رانا ثناء اللہ پارے کہ شہباز شریف فیصل آباد تون مہر کرینے‘ شہباز شریف پنجاب ناخذمت ءِ پنجاب نا خذمتگار نا وڑ اٹ کرینے، فیصل آباد نا کل شونداری ڈٹ آتیا وزیراعظم شہباز شریف ناپن انا تختی لگوک ءِ‘ دن ءُ اسہ کاریم اس اف ہرا تدوک آ چار سال ٹ مسنے‘ اخس کہ میگاپراجیکٹ جوڑ مسنے او کل مسلم لیگ ن نا حکومت اٹ مسنو‘ گورنمنٹ کالج یونیورسٹی، مدینہ یونیورسٹی، پنجاب میڈیکل کالج یونیورسٹی ءِ شہباز شریف فیصل آبادءِ تسنے‘ ڈی ایچ کیو ءِ ارا کچ کننگا‘ سمن آباد ہسپتال، پیپلز کالونی ہسپتال، چلڈرن ہسپتال شہباز شریف نا فیصل آباد کن ٹیکی اسے‘او مستی پارے کہ فیصل آباد آن دا میگا پراجیکٹ آتے کشنگے تو گڑا پین انت بچک؟ فیصل آباد ولدا اسہ خلق اسے نا دے ڈیک ءِ ایتک۔ او پارے کہ نوازشریف مسلم لیگ ءِ لس بندغ نا جماعت جوڑ کرے۔وزیرداخلہ رانا ثناء اللہ خان پارے کہ ملکی خذمت نا سفر پاکستان مسلم لیگ ن نا طرہ امتیاز ءِ، ملک ءِ ساڑی تنکی آن کشنگ کن ن لیگ ءِ سرسہب کیر، بطور وزیراعلیٰ پنجاب محمد شہباز شریف فیصل آباد ءِ تعلیم و جان جوڑی نا ڈٹ آتا ٹیکی اس تس، وزیراعظم شہباز شریف فیصل آباد کن بے پناہ شونداری کاریم کرے۔ وزیرداخلہ پارے کہ فیصل آباد اٹی سیاست دان لیڈر و غٹ مکتبہ فکر انا نمائندگی ساڑی ءِ۔ وزیراعظم محمد شہباز شریف فیصل آباد اٹ ہڑتوم آڈٹ آتا بناءِ کننگ ءِ ہرافتا خڑچ 10 ارب روپئی ءِ، اسہ ستیانہ روڈ ہرا فیصل آباد ءِ لنک کیک لاہور ملتان موٹروے آن، ہراڑان لاہور نا سفر سوااِرا گھنٹہ نا جاگہ غا اسہ گھنٹہ غا تالان مریک و داڑان زند انا شونداری نا پہیہ ترند مریک، ارٹ میکو رنگ روڈ ہرا پورو مننگ نا خڑک ءِ۔ دا بیرہ 10 ارب روپئی نا قصہ اف دا رواں صدی نا قصہ ءِ 1997-98ٹی محمد شہباز شریف ءِ ہراتم الس وزیراعلیٰ گچین کرے تو او داڑے خادم اعلیٰ پنجاب نا وڑاٹ کاریم کرے۔

(آن لائن)