خیبر پختونخوا ٹی پر و لینڈ سلائیڈنگ آن 9بندغ زوال
مچ آ صوبہ ٹی نوکاپ و پر تا سوب آن 67 اُرا مچٹ اس، 7 اُرا پورو وڑ اٹ بھس مسنو،، 7 بندغ ٹھپی ہم اریر
Get real time updates directly on you device, subscribe now.
پشاور: خیبر پختونخوا ٹی تدوک آ 48 گھنٹہ ٹی تیز پِر و لینڈ سلائیڈنگ نا شکست آتے ٹی 9 بندغ زوال وخت اس کہ 7 ٹھپی مسنو۔ پی ڈی ایم اے رپورٹ نا رد اٹ دا وخت اسکان صوبہ ٹی وکاپ و پر آن 67 اُرا مچٹ اس وخت اس کہ 7 اُرا پورو بھس مسنو۔ چترال لوئر اٹی نوکاپ آن 39 وخت اس کہ اپر چترال اٹ 19 اُراءِ مچٹ اس نسخان رسینگانے۔ ترجمان محکمہ ریلیف نا رد اٹ سیکرٹری ریلیف عبدالباسط پی ڈی ایم اے نا ایمرجنسی سینٹر نا دورہ ءِ کرے۔ سیکرٹری ریلیف کل ڈپٹی کمشنر تے صوبہ ٹی پِر تیان ٹھپی و زوال مروک آتا خاہوت آتے دمدستی کمکی چیک تننگ نا پرمان جاری کرے۔ سیکرٹری محکمہ ریلیف عبدالباسط پارے کہ صوبائی حکومت نا پرمان آپِر ونوکاپ آن زہمی ضلع غاتیکن 60 ملین روپئی جاری کننگانے وخت اس کہ چترال اَپر کن اِرا کروڑ و چترال لوئر کن ارا کروڑ جاری کرینے‘ بنوں و شانگلہ کن اسہ اسہ کروڑ روپئی جاری کننگا۔ ترجمان محکمہ ریلیف نا رد اٹ محکمہ ریلیف ناپرمان آ ضلعی انتطامیہ، پی ڈی ایم اے، ریسکیو1122، سول ڈیفنس، ضلعی انتطامیہ و تعلقدارہ ادارہ غاک الرٹ ءُ‘ اپرچترال نا زہمی خاہوت آتے کمکی گڑا فراوان کننگانے‘ لوئر چترال اٹ نوکاپ نا دیر انا کم مننگ تون نسخان تا سرجم اسسمنٹ نابناءِ کننگک و لوئر چترال نا حساس کمیونٹی تے مہالو آن رکھوک ہند آ گدریفنگاسس۔ پی ڈی ایم اے نا رد اٹ زہمی خاہوت آتے کنوئی آ گڑا فراوان کننگانے۔ سیکرٹری محکمہ ریلیف عبدالباسط نا رد اٹ محکمہ ریلیف ڈپٹی کمشنر اَپر و لوئر چترال نا درخواست آ پِر آن زہمی اپر و لوئر چترال اٹ ایمرجنسی نافذ کرے‘ ایمرجنسی نا نفاذ 15 اگست 2023 اسکان مریک۔ پی ڈی ایم اے کل تعلقدار ادارہ و ضلعی انتظامیہ ءِ 17 و19 جولائی آ مراسلہ جاری کریسس‘ مراسلہ ٹی پِر‘ فلیش فلڈ، اربن فلڈنگ و ڈور تے ٹی دیر بننگ نابابت مہالو آن گام گیج کننگ ناپرمان جاری کننگاسس۔
(آن لائن)