احساس پروگرام ،158 ارب 93 کروڑ روپئی آن زیات زر بشخنگانے

اسلام آباد (اے پی پی) احساس ایمرجنسی کیش پروگرام نا رداٹ صوبائی و علاقائی لحاظ اٹ داتم اسکان مچ آ ملک اٹی اسہ کروڑ 31 لکھ 37 ہزار آن زیات حقدار بندغ ءِ 158 ارب 93 کروڑ روپئی آن زیات زر تننگانے۔ احساس ایمرجنسی کیش پروگرام نا کنڈآن جاری کروک سرجم حوال آتارداٹ صوبہ سندھ اٹی 39 لکھ 97 ہزار آن زیات بندغ ءِ 48 ارب 20 کروڑ روپئی و صوبہ پنجاب اٹی 58 لکھ 85 ہزار آن زیات بندغ ءِ 71 ارب 21 کروڑ روپئی تننگا۔ خیبرپختونخوا ٹی 22 لکھ 25 ہزار آن زیات بندغ ءِ 27 ارب 1 کروڑ روپئی وخت اس کہ بلوچستان اٹی 6 لکھ 51 ہزار آن زیات بندغ ءِ 7 ارب 91 کروڑ روپئی تننگانے۔ رپورٹ نا رداٹ گلگت بلتستان اٹی 94 ہزار آن زیات بندغ ءِ اسہ ارب 16 کروڑ روپئی آن زیات زر و آزاد کشمیر اٹی 2 لکھ 14 ہزار آن زیات بندغ ءِ 2 ارب 61 کروڑ روپئی تننگانے۔ بنجائی دارالحکومت اسلام آباد اٹی 67 ہزار آن زیات بندغ ءِ 81 کروڑ روپئی آن زیات زر تننگا۔