آرمی چیف وایلو کل اتون مذاکرات کن تیار اُٹ، عمران خان

اسلام آباد : پاکستان تحریک انصاف نا چیئرمین عمران خان پارینے کہ چاپ ہڑتوم آ دو تے ٹی مریک ولے ای آرمی چیف تون اوار کل اتون مذاکرات کننگ کن تیار اٹ‘ کنا مارک کن کن بھاز فریشان ءُ‘ کنے جیل کننگ یا کنے کسفنگ انگ نا سوب آن اوفک خلیس وبھیم انا گواچی ءُ‘ سوشل میڈیا غاٹو‘بیان گڑیفوک وڑ انا ءُ‘ کنا پارٹی ءِ چٹفرے تو گڑا ولدا دیر تون ہیت کیرے۔ برطانوی میڈیا تون ہیت وگپ کرسا عمران خان پارے کہ خلیس دادے کہ داڑے ہیت کننگ کن کس اس اف‘ساڑی حالیت آتے ٹی وزیراعظم ’غیر متعلق‘ ءِ۔ عمران خان پارے کہ آرمی چیف تون اوار کل اتون مذاکرات کننگ کن تیار اٹ‘ ولے چاپ اِرا دو اٹ مریک‘ کنا مارک کن کن بھاز فریشان ءُ‘ مارک نئے بیرہ کسفنگ بلکہ جیل کننگ نابابت ہم خلیس و بھیم انا گواچی ءُ۔ عمران خان مستی پارے کہ ای اسہ سیاستدان اسے اٹ‘ آرمی چیف، اسٹیبلشمنٹ تون اوار کل اتون مذاکرات کننگ خواوہ‘ ولے چاپ اِرا دو اٹ مریک وکنے خلیس ارے کہ داڑے ہیت کننگ کن کس اس اف‘ اوفتا بیانک مہالو آن سوشل میڈیا غا ساڑی ءُ‘ بیانک خلیفوک ءُ‘ اگہ نم خوانرے تو او پاننگ اٹی ءُ کہ امر کہ مرے او کنا پارٹی پی ٹی آئی ءِ چٹفرہ‘ تو گڑا ولدا ہیت دیر تون کیرہ؟ وزیراعظم نا ہچ ءُ تعلقداری اس اف‘ اوتو بیرہ دو انا دتک اسے۔ مسکوہی وزیراعظم پارے کہ سیاستدان بایدے ہر وخت کل اتون مذاکرات کننگ کن تیار مرے۔ سیاستدانک توفک نا جاگہ غا اختلاف آتے مذاکرات ناکمک اٹ ایسر کیرہ‘ای تو بیرہ دا پاریسٹ کہ ہراتم کنے اسلام آباد ہائی کورٹ نا دنگ آن ہرفنگا برمتہ کننگا تو دا کاریم ءِ پولیس آخا آرمی کریسس‘ ای بیرہ ہندا پاریٹ کہ اوفتا منشا غان بیدس دا مننگ کتوکہ‘ ہندا راست ءِ ولے ای بے شرفی نا ہچ ءُ ہیت اس کتویسٹ۔

(آن لائن)