کالعدم تنظیم نا مسکوہی کمانڈر گلزار شنبے میڈیا نا مون آ پیش

کوئٹہ : کالعدم بی این نا سروک و مسکوہی عسکریت پسند گلزار شنبے ءِ اولیکو وار میڈیا نا مون آ پیش کننگا‘ کالعدم تنظیم نا مسکوہی کمانڈر گلزار امام شنبے پارینے کہ ای ہرا کسر ءِ ہلکسٹ او غلط ئس‘ ننا ویل آک پرامن وڑاٹ ایسر مننگ کیرہ‘ بلوچستان نا حق آتا جنگ بیرہ آئینی و سیاسی وڑ اٹ مننگ کیک‘ ننے اومیت ارے کہ ریاست نالمہ ناکڑدار ءِ ادا کرسا اصلاح نا وارخواہی ایتک۔ کوئٹہ ٹی وزیرِداخلہ بلوچستان ضیاء اللہ لانگو تون اوار کالعدم تنظیم نا مسکوہی کمانڈر گلزار امام شنبے پریس کانفرنس کرسا پارے کہ داٹی شک اف کہ ریاستی ادارہ غاتے بلوچستان نا ویل آتا خیال ارے‘ اوخف توررہ‘جنگ اٹ وخت ءِ زیان کپس‘ بلوچستان اٹ ہڑتوم آ کنڈآن اخس کہ بندغ شہید مسر اوفتا بشخنداری کیوہ‘ ای ہرا کسر آ ئسٹ او اسُل غلط ئس، بلوچستان نا حق آتا جنگ بیرہ آئینی و سیاسی وڑ اٹ مننگ کیک‘ بلوچ طالب علم آک صوبہ نا شونداری وشونہالی کن کاریم کیر۔ بلوچستان بھاز پد سلیسنے‘ صوبہ ٹی زرکاری اف آن حساب ءِ‘ ننا ویل آک پرامن وڑ اٹ ایسر مننگ کیرہ و داویل آتے ہیت وگپ اٹ ایسر کننگ مریک‘ نن اومیت کینہ کہ ریاست لمہ ناکڑدار ءِ ادا کرسا ننے اصلاح نا وارخواہی ایتک۔ پانزدہ سال سلہہ بند بلوچستان نا حق آتیکن جہد کریٹ‘ بلوچستان اٹ ہڑتوم آ کنڈآن شہیدمروک آتا خاہوت آتیان بشخنداری کیوہ۔او پارے کہ داٹی شک اف کہ ریاستی ادارہ غاتے بلوچستان نا ویل آتا خیال ارے‘ خف تورہ‘ بایدے نن ہم جنگ اٹ تینا وخت ءِ زیان کپن۔ ای پیشن تولوک بندغ آتے پدی بننگ کن منفنگ نا کوشست کیوہ‘ بلوچ سلہہ بند جہد اتون پیشن ناکمک ارے۔او پارے کہ ننا ویل آک پرامن و ڑاٹ ایسر مننگ کیرہ۔ داوخت آ وزیرِداخلہ بلوچستان ضیاء اللہ لانگو پارے کہ ویل آک ہیت وگپ اٹ ایسر مننگ کیرہ۔ ریاست و ادارہ غاتے لتاڑ کروک آتتون ہچ رعایت کننگپک۔

(آن لائن)