قطر دنیا نا توانائی نا وت ءِ، مصدق ملک

اسلام آباد : وزیر مملکت پٹرولیم ڈاکٹر مصدق ملک پارینے کہ قطر دنیا نا توانائی نا وت ءِ۔ داخیال آتا درشانی ءِ او قطر انا سفیر شیخ سعود بن عبدالرحمان ال تھانی تون گپ وتران کرسا کرے ہر ا سے شنبے نادے آ داڑے اوڑتون اوڑدہی کرے۔ اوڑدہی ٹی تین پہ تینی است خواہی نا امور آ گپ وتران کننگا۔ داوخت آ مصدق ملک پارے کہ قطر دنیا نا مرکز توانائی ءِ۔ ایل این جی سیکٹر اٹی قطر ءِ پین زرکاری نا سلہ خلکونن۔ اوڑدہی ٹی قطری سفیر پارے کہ قطر تیناایلم ملک انا پبی کمک ءِ کننگ کن سنبرینگوک ءِ۔ گوادر بندرگاہ علاقائی رابطہ و توانائی نا واپار اٹی اہم ءُ کڑد اس ادا کننگ کیک۔

(اے پی پی)