فواد چوہدری آ توہین الیکشن کمیشن کیس انا سماعت 6 جون اسکان ملتوی

اسلام آباد: الیکشن کمیشن تحریک انصاف نا راہشون چوہدری فواد حسین نا برخلاف توہین الیکشن کمیشن کیس انا سماعت ءِ 6 جون اسکان پدبٹسا اودے ذاتی حیثیت اٹ پیش مننگ نا پرمان تس۔ سے شنبے نادے آ الیکشن کمیشن اٹی چیف الیکشن کمشنر سکندر سلطان راجہ نا کماشی ٹی چار باسکی بنچ کیس انا سماعت کرے داوخت آ چوہدری فواد حسین نا کنڈآن اونا وکیل فیصل چوہدری پیش مس اوپارے کہ چوہدری فواد حسین لاہور ہائی کورٹ اٹی ءِ، چوہدری فواد حسین نا پیش مننگ اٹ ہچ ءُ ویل اس اف ولے اِرا جاگہ غا پیش مننگ مشکل ءِ۔ ای اودے ملوک آ نوٹس نا ورندی ءِ جمع کرفنگ اُٹ، نوٹس نا ورندی است جم کے تو شوکاز نوٹس جاری کپ، اوموقف اختیار کرے کہ سیکرٹری الیکشن کمیشن نا واکداری تابابت اعتراض ارے، چیف الیکشن کمیشن اَرفے کہ انت تو ہین نا مرتکب بسنے، اول چوہدری فوادحسین نا حاضری آ ہیت کین، کیس انا شش سماعت مسنے، توہین نا مرتکب پیش مرے تو نن دلیل آتے بِننہ۔ اوپارت کرے کہ بروک آ سماعت آ چوہدری فواد حسین ذاتی حیثیت اٹ پیش مرے۔ اوچوہدری فواد حسین نا وکیل ءِ پارے کہ بروک آسماعت آ نن نا دلیل آتے بننہ، ناورندی ءِ خواننہ۔ بروک آ سماعت آ شوکاز نوٹس جاری کننگ یا کپننگ نا فیصلہ ءِ ایتنہ۔

(اے پی پی)