بجلی نا بے سلنگ فراوانی ءِ پک کننگے، گورنر بلوچستان ولی کاکڑ

0

Get real time updates directly on you device, subscribe now.

کوئٹہ: گورنر بلوچستان ملک عبدالولی خان کاکڑ پارینے کہ الس ءِ بجلی نا سلنگ نا فراوانی ءِ پک کننگ و السی ویل آتے اولیتی بنداو آایسر کننگ کن کل دوئی وسیلہ غاتے کاریم اٹ اتنگے‘ او کیسکو ءِ پرمان کرے کہ کچلاک و ایب کیب انا کل علاقہ غاتے ٹی دمدستی کل اُرائی صارف و خاص وڑ اٹ کشاری فیڈر تیا بجلی ءِ پورو وولٹیج اٹ فراوان کننگے۔ دا ہیت آتے او کیسکو نا نمائندہ یوسف شاہ و نجیب مری تون اوڑدہی نا وخت آہیت وگپ کرسا کرے۔ داوخت آ گورنر بلوچستان پارے کہ صوبہ نا زمیندارک گدرینگوک آ اِرا مسہ عشرہ ٹی مہالو کاخت سالی و داسہ بھس کروک پِر تا سوب آن کیہی وار مالی مشکل آتا گواچی مسنو ہندا سوب آن المی ءِ کہ اوفتے کل المی آسراتی تے فراوان کننگے۔ گورنر بلوچستان اُرائی و زمیندار تیا ہم زور شاغا کہ او ہم بجلی نابل آتا تننگ ءِ پک کیر انتئے کہ بل تفننگ نا سوب آن نئے بیرہ ادارہ ناکارکڑد زہمی مریک بلکہ السی مشکل آک ودرہ۔

(خ ن)

Get real time updates directly on you device, subscribe now.

Leave A Reply

Your email address will not be published.