پاک فضائیہ نا فلائیٹ لیفٹیننٹ یونس حسین (شہید) ءِ خصوصی خراج عقیدت
Get real time updates directly on you device, subscribe now.
اسلام آباد: پاک فضائیہ نا کنڈآن 1965 نا جنگ انا ہیرو فلائیٹ لیفٹیننٹ یونس حسین (شہید) ءِ خصوصی خراج عقیدت پیش کننگا ہرا دشمن نا گل زمین آ بھاز نرزوری و کسبی مہارت اٹ اسہ فضائی معرکہ سے ٹی جنگ ترسا شہیدی نا جام ءِ نوش کرے۔ ترجمان پاک فضائیہ نا رداٹ 06 ستمبر 1965 کوہلو اڑہ ایئر فیلڈ آ جلہو کرسا بھلو کچ اسے ٹی دشمن نا جہاز آک اونا چنکو فارمشین اسے گھیڑ کریر۔ اوبھلو نرزوری اسے اٹ نئے بیرہ اوفتا مقابلہ ءِ کرے بلکن بھارتی فضائیہ نا اِرا جنگی جہاز آتے ہم خلک بٹے۔ تینا ہوائی جہاز ءِ نسخان ملنگ آن پد ہم او تینا جون نا پرواہ ءِ کپرسا دا جنگ اٹ پدی مننگ آن انکار کرے و تادم مرگ دشمن نا مقابلہ ءِ کرے۔ فلائیٹ لیفٹیننٹ یونس حسین(شہید) ءِ مشکل نا داساہت اٹی دفاع وطن، فرض شناسی، ہمت و جیرت نا درشانی ءِ کننگ آ ’ستارہ جیرت‘ تننگا۔
(اے پی پی)