موسمی بدلی ءِ کم کننگ کن گام گیج کروئی مریک‘ڈاکٹر ربابہ بلیدی

کوئٹہ : پارلیمانی سیکرٹری کانود و پارلیمانی امور سائنس اینڈ انفارمیشن ٹیکنالوجی ڈاکٹر ربابہ خان بلیدی پارینے کہ آبدی و موسمی بدلی نابھلو تعلقداری اس ارے‘ آخبت اٹ موسمی بدلی آن مروک نسخان تا کچ ءِ کم کننگ کن ننے آبادی وسیلہ غاتے ٹی بریبری اتوئی مریک۔ دا خیال آتا درشانی ءِ او سَے شنبے نا دے یو این ایف پی اے و منسٹری آف پلاننگ اینڈ ڈویلپمنٹ نا اسیجائی اٹ اڈ تروک ورکشاپ آن تران کرسا کرے۔ ورکشاپ اٹ پلاننگ اینڈ ڈویلپمنٹ ڈیپارٹمنٹ بلوچستان نا چیف آف سیکشن محمد عارف خان، ایڈیشنل سیکرٹری محکمہ کانود سید نصیر شاہ، ٹیم لیڈر کیمونکس ڈاکٹر فاروق اعظم جان، پراجیکٹ ایسوسی ایٹ یو این وویمن گل مینا، ڈائریکٹر ٹیکنیکل آئی پی ایچ ڈاکٹر عنبرین مینگل، لیکچرار آئی پی ایچ ڈاکٹر الطاف فاطمہ، ڈپٹی ڈائریکٹر پی اینڈ ڈی احمد جان سمالانی، اسسٹنٹ ڈائریکٹر پی اینڈ ڈی رحمت اللہ، ڈپٹی ڈائریکٹر سوشل ویلفیئر ڈپارٹمنٹ داؤد درانی، ڈی جی پی اینڈ ڈی غلام مصطفی، انڈر سیکرٹری انفارمیشن عبدالغنی، ڈی جی پاپولیشن ویلفیئر ڈپارٹمنٹ غلام مصطفی، لیبر ڈپارٹمنٹ نا نمائندہ قابل خان، انڈر سیکرٹری لیبر ڈپارٹمنٹ شفیق احمد، ایکٹ انٹرنیشنل نا طاہر نقوی، منیجر وویمن ڈوپلمنٹ ڈپارٹمنٹ روبینہ زہری، چیئرپرسن بی سی ایس ڈبلیو فوزیہ شاہین، فیملی پلاننگ ایسوسی ایشن پاکستان نا افضل بٹ، انسٹرکٹر لوکل گورنمنٹ صدف علی رضا، صوبائی کوآرڈینیٹر یو این ایف پی اے ڈاکٹر سرمد سعید خان، کنسلٹنٹ یو این ایف پی اے ڈاکٹر جاسم انور، ڈپٹی سیکرٹری وویمن ڈوپلمنٹ ڈیپارٹمنٹ جہاں آراء تبسم، ڈپٹی ڈائریکٹرپاپولیشن ویلفیئر ڈیپارٹمنٹ عبدالستار شاہوانی و سیکشن آفیسر محکمہ فشریز محسن علی اسک بشخ ہلکر۔ورکشاپ آن تران کرسا ڈاکٹر ربابہ خان بلیدی پارے کہ ودوک آ آبادی نا سوب آن پاکستان  نا الس ءِ جانجوڑی‘ تعلیم‘ خن وخور تون اوار بنداوی آسراتی تا تنکی تا ویل آک مون تروک ءُ‘ ڈاکٹر ربابہ خان بلیدی پارے کہ آبادی ووسیلہ غاتے ٹی بریبری اتنگ کن جم و کثیرالجہتی قومی حکمت عملی ٹہیفنگ و داڑا عمل کننگ بھاز المی ءِ۔

(خ ن)