اسسٹنٹ کمشنر خاران نا ڈیری فارم نا دورہ
Get real time updates directly on you device, subscribe now.
خاران: کمشنر رخشان ڈویژن طارق الرحمان بلوچ السی غاوتیا اسسٹنٹ کمشنر خاران امتیاز محفوظ بلوچ خاران اٹی سرکاری ڈیری فارم نا دورہ ءِ کرے۔ اسسٹنٹ کمشنر خاران امتیاز محفوظ بلوچ ڈیری فارم نا دورہ ءِ کرسا ساہدار تا خور، دیر و ڈیری فارم نا ایلو ویل آتا جاچ ءِ ہلک و زموار آفیر آتا ساڑی مفننگ نا بابت اسسٹنٹ کمشنر خاران نا رپورٹ آ کمشنر رخشان ڈویژن طارق الرحمان بلوچ دمدستی نوٹس ہلسا سیکرٹری لائیو اسٹاک اینڈ ڈیری ڈویلپمنٹ ڈیپارٹمنٹ تون رابطہ کرسا خاران نا ڈیری فارم نا غٹ ویل و خاص وڑاٹ ڈیری ساہدار تا خور و ایلو خیالداری نا بابت گپ وتران کرے، کمشنر رخشان ڈویژن طارق الرحمان بلوچ پارے کہ محکمہ غاتیٹی اسٹاف نا کنڈآن لاپرواہی و غیرحاضری ءِ سگنگ پننگک۔ خاص وڑاٹ ڈیری فارم نا بے زبان ساہدار تا خیالداری ٹی ڈیوالئی نا موکل تفنہ انتظامیہ آفیسر آک وقتا فوقتا ڈیری فارم نا دورہ ءِ کرسا ہموڑے ساہدار ا خیال داری نا جاچ ءِ ہلسا کیرہ۔
(اے پی پی)