صوبائی حکومت اسپورٹس نا بشخ اٹ جوانی اتنگ کن گام گیج کننگ اٹی ءِ‘عائشہ زہری

0

Get real time updates directly on you device, subscribe now.

نصیر آباد : نصیرآباد اٹ جوڑ لسبیلہ یونیورسٹی کیمپس اٹ سپورٹس گالہ ایونٹ اس اڈ تننگا۔ ایونٹ اٹ طالبعلم آتا بھلو کچ اس بشخ ہلک۔ ایسری دود انا خاص انگا مہمان ڈپٹی کمشنر نصیرآباد عائشہ زہری ئس۔ یونیورسٹی سر مننگ آ اودے بخیر کریر۔ اڈ ہلوک دود آن تران کرسا ڈپٹی کمشنر نصیرآباد عائشہ زہری پارینے کہ تعلیمی کاریم تون اوار گوازی تا اہمیت بھاز المی ءِ۔ نصیرآباد یورنیورسٹی ٹی سپورٹس کاریم تا اڈ تننگ و طالبعلم آتا کنڈآن بھلو کچ اسے ٹی بشخ ہلنگ ستا کڑزک۔ طالبعلم آک بایدے تینا تعلیم تون اوار اوار داوڑ نا ایونٹ آتیٹی جوان بشخ ہلیر۔ انتئے کہ جانجوڑ ءُ زند اس تدیفنگ کن بندغ آک دنیا نا ہر سرسہبی ءِ دوئی کننگ نا لائخی تخک۔ او پارینے کہ سپورٹس نا کاریمک زند انا نشانیک ءُ۔ حکومت سپورٹس نا بشخ ات پین جوانی اتنگ کن گام گیج کننگ اٹی ءِ۔

(آن لائن)

Get real time updates directly on you device, subscribe now.

Leave A Reply

Your email address will not be published.