تحریک طالبان تون ہچ ءُ مذاکرات اس مفننگ ءِ، بنجائی حکومت

اسلام آباد: سینٹ اٹی حکومت پارینے کہ تحریک طالبان تون داسہ ہچ ءُ مذاکرات اس مفننگ اٹی ءِ۔ ملک انا سلامتی ءِ نسخان رسیفوک آتے بشخنگ نا ہچ ءُ وڑ اس جوڑ مفک، 23مارچ آ او آئی سی نا سروک آک بننگ اٹی ءُ، نیمہ اسلام آباد پین کس انا دوٹی مریک، مارچ شو کروک آک ضد کیرہ تو جی بسم اللہ،اسلام آباد دہشت گردی نا زموار دوبہ دار آتیان چار ءِ دزگیر کننگانے، اِرٹ خلنگانو۔ بنجائی وزیر داخلہ شیخ رشید احمد دہشت گردی آ قرار داد پیش مننگ آ تیان تران نا وخت آ پارے کہ اسلام آباد اٹی دہشت گردی واقعہ ٹی دہ پولیس کارندہ شہید مسر۔ و دا واقعہ نا چار دوبہ دار دزگیر کننگار و اِرٹ خلنگار۔ ای باور کرفنگ خواوہ کہ آخری دم اسکان چین اتون سنگتی ءِ سر ایتنہ۔ و سی پیک ءِ پورو کینہ۔ و اپوزیشن ان دا است خواہی ءِ شرف ایتوہ کہ دہشت گردی نا برخلاف بایدے اسہ بیانیہ اس جوڑ کین۔ 2680کلومیٹر باڑ خلنگانے، و بیست کلو میٹر باڑ داسکان سلوک ءِ۔ و دوسد کلو میٹر بلوچستان اٹی فینسنگ ہم سلوک ءِ۔ داسہ نا دہشت گردی نا نشانیک ہرا دوئی مسنو، تو دن کہ انڈیا اوغانستان اٹ بھلو بے سہبی اس خنا، و او ہچ گہس خواپک کہ اوغانستان تون پاکستان نا تعلقداریک جوان مریر، کل ءِ سما ءِ کہ کنڑ، مستونگ، کیچ انا حالیت انت ءِ؟ و دا حالیت آتتون مون تروئی ءِ۔ داسہ کہ 23مارچ آ کل او آئی سی نا سروک آک بننگ اٹی ءُ، و جی ٹی روڈ گٹ ہممریک۔ و ای خلیفنگ کن پاپرہ، بھاز شوق اٹ ببو و دہشت گردی نا گڑتی ہم ارے و کووڈ نا ہم۔ ٹی ٹی پی تون مذاکرات مفننگ اٹی ءِ۔ طالبانک اوفتے تینا ڈغار آن کارروائی کن الیپننگ ءُ،شیخ رشید پارے کہ پاکستان تینا سلامتی ءِ ہچ گہس لپی مننگ کن الیپک۔ دہشت گردی نا مون ءِ توننگ کن نن اپوزیشن تون تفوک اُن۔