آئی ایم ایف معاہدہ، پٹرولیم لیوی ٹی ودکی،بجلی پین کبین مریک

اسلام آباد: خزانہ سلاہکار شوکت ترین جہانی مالیاتی ادارے (آئی ایم ایف) تون معاہدہ نا پک مننگ نا پڑو ءِ کرسا پارینے معاہدہ نا رد اٹ پاکستان ءِ ارب ڈالر رسینگک، وخت اس کہ پیٹرولیم لیوی ٹی تُو انا 4 روپئی ودکی تون اوار 5 اہم ءُ گام گیج کروئی تمک۔ اسلام آباد اٹی بنجائی وزیر توانائی حماد اظہر تون اوار پریس کانفرنس کرسا خزانہ سلاہکار شوکت ترین پارے کہ آئی ایم ایف تون معاہدہ پک مسنے، اونا پاننگ ئس کہ آئی ایم تون ہیت وگپ برجا ئس، ولے دا اسہ اسٹاف معاہدہ اسے ہرا داسہ ایسر آ سر مسنے۔ ششمیکو جاچ دیوان نا رد اٹ آئی ایم ایف پاکستان ءِ کم وو َد اسہ ارب ڈالر ایتک۔ اوکان پد جم وڑ اٹ 3 ارب ڈالر مریرہ، ہرافتے ننے تروئی ءِ۔ او پارے کہ ہراتم دا اوفتا بورڈ آن منظور مریک تو ایشائی شونداری بینک، جہانی بینک و ہرا ملک آک نن تون گنڈوک ءُ، اوفک ہم ننے وسیلہ ایترہ، و دا وڑ دا بھلا سرجز سر ہلیک۔ شوکت ترین پارے کہ آئی ایم ایف اسہ وڑ اٹ امنا کرینے کہ کووڈ آن پد ہم حکومت پاکستان نا زرگرانی شونداری برجا ءِ، و اصلاحات نا ایجنڈا غا سرسہبی اٹ عمل مننگ اٹی ءِ۔ او پارے کہ بجلی نا نہاد اٹی ایڈجسٹمنٹ، ٹیکس انا نظام اٹی گچینی، خڑچ آتیٹی احتیاط و مالیاتی نظم و ضبط ہمو منہ اہم ءُ گام اسے ءُ، ہرافتیان ملک ءِ سوگو زرگزرانی بنداو آ سلفنگ اٹ کمک رسینگک۔ او پارے کہ دا منہ گام گیج اسے اریر ہرافتے او امنا کرینے کہ نن بنداوی وڑ اٹ جوان ءُ مون اس دننگ اٹی اُن، نیامین مریس مدی پالیسی اصلاحات آ زور تننگانے کہ ہرا نزوریک اریر اوفک بایدے مُرمریر۔ آئی ایم ایف نا خواست آتا ہیت ءِ کرسا او پارے کہ ٹیکس اصلاحات برجا تخنگے، توانائی نا بشخ انا بابت او پارے کہ داٹی گچینی نا گرج ءِ، و دا عمل ہم بایدے برجا سلے۔ اونا پاننگ ئس کہ آئی ایم ایف پارینے کہ پیشن نا اکاونٹ آتیا دباؤ ءِ، ہندا سوب آن اسٹیٹ بینک ءِ وخت آ گام گیج کروئی تمک۔ پاکستان دا وخت آ جہانی کہول آ بروک سپلائی چین ویل آتیان زہمی مسنے، ہرانا سوب آن کبینی اسہ بھلو ویل اسے۔ ولے امنا کننگانے کہ داڑا گام گیج کروئی تمک۔ زرگزران دباؤ ٹی ءِ، دادے ہم کم کروئی تمک۔ دا وخت آ بنجائی وزیرتوانائی حماد اظہر پارے کہ منہ تُو آن پد بجلی نا نہاد ءِ دوارہ ودفوئی تمک۔ بجلی نا نہاد اٹی ودکی نا زہم انڈسٹریل و اُرائی صارف آتیا مفک، آئی ایم ایف منانے کہ پاور سیکٹر اتی جوان کاریم مسنے۔ او خزانہ سلاہکار تون پریس کانفرنس کرسا پارے کہ کرنٹ اکاونٹ نسخان اٹ کمتی بسنے، آئی ایم ایف منا کہ انرجی نا بشخ اٹی جوان کاریم مسنے۔ ٹیرف ءِ ودفنگ آ نن مون نا عمل عمل ہم کرین۔ ہرا آخبتی بنداو آ 200 یونٹ آن کم کاریم اٹ اتیرہ، بیرہ ہموفتے کن ٹیرف ودفنگپک۔ بنجائی وزیر حماد اظہر پارے کہ منہ تُو آن پد بجلی نا نہاد ءِ دوارہ ودفوئی تمک، بجلی نا نہاد آتیٹی ودکی نا زہم انڈسٹریل و اُرائی صارف آتیا مفک۔

(آن لائن)