آئی جی پولیس بلوچستان محمد طاہر نا پارت آ ڈوہدار آتا برخلاف بھرمی مہم برجا
Get real time updates directly on you device, subscribe now.
کوئٹہ، ترجمان بلوچستان پولیس نا رِداٹ انسپکٹر جنرل پولیس بلوچستان محمد طاہر نا پارت آ کوئٹہ تون اوار صوبہ نا ہرہفت آ رینج آتیٹی ڈوہدار آتا برخلاف زیرو ٹالرنس تخنگ و کانود دوست شاری تا رکھ ءِ پک کننگ کن اسہ خاص ءُ مہم اس برجا ءِ۔ ترجمان بلوچستان پولیس نا اسہ پریس ریلیز نا رِداٹ مچ آ صوبہ ٹی اشتہاری، نروک دوبہ دار و ڈوہدار آتا برخلاف برجا دا خاص مہم اٹ تدوک آ مسہ ہفتہ ٹی 43 اشتہاری، 296 نروک و جتا جتا ڈوہدار تا زموار 466 دوبہ دار دزگیر کننگانے، وخت اس کہ 18 برمتہ مروک بندغ آتے ہم رکھی وڑ اٹ یلہ کرفنگا۔ پریس ریلیز نا رِداٹ جتا جتا کارروائی تیٹی بھلو کچ اسے ٹی سلہہ دوئی کرسا 102 دوبہ دار ءِ دزگیر کننگا، ہرافتیان 80 ریوالور و پسٹل، 8 کلاشنکوف، 6 شارٹ گن و رائفل، 682 سم و کارتوس و 55 میگزین ہم دوئی کننگانے