مولانا ہدایت الرحمن بلوچ نا محکمہ مواصلات و تعمیرات گوادر نا دفتر نا دورہ
Get real time updates directly on you device, subscribe now.
گوادر، صوبائی اسمبلی نا باسک مولانا ہدایت الرحمن بلوچ محکمہ مواصلات و تعمیرات بلڈنگ گوادر نا دفتر نا دورہ ءِ کرے، ہراڑے ایکسین بلڈنگ سعید محمد اودے برجا و پورو مروک جتا جتا شونداری و تفوئی ڈٹ آتیا جم بریفنگ تس۔ محکمہ نا کنڈآن برجا و پورو مروک سرکاری ماڑی تتون اوار جتا جتا شونداری ڈٹ آتا ساڑی حالیت، تفوئی پیش رفت و گنڈوک ایلو باندات آن جم وڑ اٹ معلومدار کننگا۔ دا وخت آ گوادر اٹی برجا تفوئی ڈٹ، السی گرج و ایلو اہم باندات آتا ہم جم جاچ ءِ ہلنگا۔ مولانا ہدایت الرحمن بلوچ ڈٹ آتا وخت آ پوروی، تفوئی آب ءِ پک کننگ و السی فائدہ ءِ اولیکو اولیت تننگ آ زور شاغا۔